BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسەت نايمانباي ۇلى اتىندا ٴداستۇرلى انشىلەر بايقاۋى وتەدى

اسەت نايمانباي ۇلى اتىنداعى «ٴىنجۋ - مارجان» ٴداستۇرلى انشىلەر بايقاۋى 29-30 شىلدە ارالىعىندا شىعىس قازاقستان وبلىسىنىڭ ٴۇرجار اۋدانىنا قاراستى ماقانشى اۋىلىندا وتكىزىلمەك.

«قاسيەتتى ۇلى دالا ۇنىنەن قۋات الىپ، ەپيكالىق حيسسا – داستاندارمەن، اسەم اندەرىمەن تىڭدارمان جۇرتىنا شۋاق بەرگەن، حالىق اراسىنان شىققان اسقان دارىن يەسى، اقىن، ٴانشى ٴارى سازگەر اسەت نايمانباي ۇلىنىڭ شىعارماشىلىعى ۇلتتىق مۋزىكا ونەرىندەگى قايتالانباس دارا قۇبىلىس. وسى كيەلى مۇرانى كەڭىنەن ناسيحاتتاپ، ۇرپاقتان – ۇرپاققا جەتكىزۋ، تالانتتى جاستاردى ونەردىڭ كاۋسار بۇلاعىنان ٴنار العىزىپ، شەبەرلىگىن شىڭداۋعا ىقپال ەتۋ ماقساتىندا شقو اكىمشىلىگى (مادەنيەت، مۇراعاتتار جانە قۇجاتتاما باسقارماسى) ٴداستۇرلى ورىنداۋشىلاردىڭ اسەت نايمانباي ۇلى اتىنداعى ٴىىى - رەسپۋبليكالىق بايقاۋىن وتكىزەدى. بايقاۋدىڭ نەگىزگى مىندەتى: ۇلى ٴانشى، سازگەردىڭ شىعارماشىلىعىن كەڭىنەن ناسيحاتتاۋ (...) ۇلتتىق جانە الەمدىك مادەنيەت قۇندىلىقتارىنا تارالۋىنا ىقپال ەتۋ بولىپ تابىلادى.» دەلىنگەن باسقارما تاراتقان ٴباسپاسوز حابارلاماسىندا.

ەستەرىڭىزگە سالا كەتسەك، بۇرىندارى وتكەن بۇل بايقاۋعا تەك قازاقستاننىڭ ٴداستۇرلى ٴان مەكتەبىنىڭ وكىلدەرى عانا ەمەس، كورشىلەس جاتقان شەت ەلدەردەن دە قاتىسۋشىلار كەلگەن. بايقاۋدىڭ گالا-كونسەرتى قازاقستان رەسپيبليكاسىنا اتى تانىمال ونەر جۇلدىزدارىنىڭ قاتىسۋىمەن وتەتىن. بيىلعى بايقاۋدىڭ ەرەكشەلىگىن شىلدە ايىنىڭ سوڭىندا بىلەتىن بولامىز. ال ازىرگە، اسەت نايمانبايەۆ اتىنداعى ٴداستۇرلى ورىنداۋشىلار بايقاۋى قازاقستان رەسپۋبليكاسىنىڭ ەڭبەك سىڭىرگەن قايراتكەرى جارقىن شاكارىم جانە ونەر مايتالماندارىنىڭ قازىلىعىمەن وتەتىنى ٴمالىم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي