BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارىستانبەك مۇحامەدي ۇلى قاي قولداۋدى ايتىپ ٴجۇر؟

«ديماش قۇدايبەرگەن i am a singer جوباسىنا قالاي كەلدى؟» دەگەن ساۋال توڭىرەگىندە وربىگەن سۇحباتىم جاريالانعان كۇنى، ديماشتى وسى كونكۋرسقا قانداي قيىندىقتارمەن بەتپە-بەت كەلىپ ٴجۇرىپ قاتىستىرعانىمدى ٴوز كوزىمەن كورىپ جۇرگەن ديماشتىڭ ٴبىر كومەكشىسى ماعان تەلەفون سوعىپ:
– ٴسىز سۇحبات بەرىپ پە ەدىڭىز؟ – دەدى.
– ٴيا، – دەدىم.
– جاڭا ٴمينيستردىڭ ٴوزى حابارلاسىپ، مەنەن «ەرتاي دەگەن كىم؟» دەپ سۇرادى، – دەدى دە، ٴسوزىن تۇسىنىكسىز اياقتادى...
ال ٴبىر كۇن بۇرىن ديماشتىڭ اكەسى قانات ايتبايەۆتىڭ ۇلىنىڭ وسى جوباعا قاتىسۋىنا قولداۋ كورسەتكەنى ٴۇشىن مادەنيەت جانە سپورت مينيسترلىگىنە ايتقان العىسى جاريا بولعان ەدى... وسىدان كەيىن-اق مۇندا ٴبىر شيكىلىكتىڭ پايدا بولعانىن بىلگەنمىن...
ەندى مىنە، كۇنى كەشە عانا مينيستر ارىستانبەك مۇحامەدي ۇلى: «..پري پوددەرجكە مينيستەرستۆا ۆ 2015 گودۋ ديماش پرينيال ۋچاستيە ۆ مەجدۋنارودنوم كونكۋرسە «سلاۆيانسكيي بازار»، گدە ستال وبلاداتەلەم گران-پري، تاكجە بليستاتەلنو ۆىستۋپاەت ۆ داننوە ۆرەميا ۆ كيتايسكوم كونكۋرسە پروفەسسيونالنىح يسپولنيتەلەي «i am a singer»... ... ۆوت ەتو ياۆلياەتسيا سۆيدەتەلستۆوم توگو، چتو مى ۆىپولنياەم نا كاچەستۆەننوم ۋروۆنە پورۋچەنيا گلاۆى گوسۋدارستۆا»، – دەدى.
جالپى، قازاقتىڭ ٴبىر ۇلى ٴبۇتىن ٴبىر ۇلتتىڭ رۋحىن تۋ ەتىپ جەلبىرەتىپ شىعىپ ەدى، ونى «مەن تانىتتىم» دەۋشىلەر كوبەيدى. مەيلى عوي، كوبەيسىن! سەبەبى، تالانتتى ۇل قازاقتىكى بولعان سوڭ، وعان قاي قازاق قالاي ماقتانسا دا جاراسادى، قالاي تالاسسا دا كەشىرىمدى... ديماشتىڭ اينالاسىنا توپتاسىپ ۇلكەن وقيعانىڭ ارتىندا وزدەرىن كوپ ٴىس تىندىرىپ جۇرگەندەي كورسەتكىسى كەلگەن ٴاربىر جانعا مەن سونداي تۇسىنىستىكپەن قاراپ كەلەمىن...
ەكى جىل ەڭبەكتەندىم ەكەن دەپ، ىستەگەن ٴىسىمدى مىندەت قىلمايمىن. ەڭبەگىم باعالانسا ەكەن دەپ تە دامەلەنبەيمىن ٴارى وعان ۇمتىلمايمىن دا. سەبەبى، ەڭبەكاقى تالاپ ەتىپ، باعالاۋ سۇرايتىنداي بۇل الدەكىمنىڭ تاپسىرىسى ەمەس! مەن بۇل ٴىستى ەشكىمنىڭ بۇيرىعىمەن، ەشبىر ادامنىڭ تىلەگىمەن ورىنداعان جوقپىن. ارى-بەرىدەن سوڭ بۇل كەز كەلگەنىمىزدىڭ موينىمىزداعى – ازاماتتىق پارىز. ۇلت، ونەر الدىنداعى ٴاربىر ازاماتقا جۇكتەلگەن بورىش دەپ تۇسىنەمىن. سول سەبەپتى، سۇحبات الامىز دەگەن بارلىق جۋرناليستەردەن باس تارتتىم. «ديماشتى تانىتقان مەنمىن» دەگەندەي، ٴار جەردەن ٴبىر جىلت ەتىپ كورىنۋدى ٴجون سانامايمىن. ديماشقا تالانتتى بەرگەن – قۇداي! ال مەن ٴبىر سەبەپكەر عانامىن... مۇنى، سونداي-اق، قىتايدا ٴبىلىم العان سوڭ، سول ەلگە تەڭدەسسىز مادەنيەتىمىزدى تانىتسام ەكەن دەگەن ويدان تۋعان ارمان دەپ تە ايتا الامىن. دەمەك، مەن بار بولعانى ٴوز ارمانىما ادال ەڭبەگىممەن قول جەتكىزگەن، سول ارقىلى حالىقپەن بىرگە ولشەۋسىز قۋانىشقا بولەنگەن وسى ەلدىڭ باقىتتى ٴبىر ازاماتىمىن.
جاھاندانۋ داۋىرىندە ادەپ-عۇرىپ، سالت-سانامىزدى، مادەنيەتىمىزدى ساقتاپ قالۋدىڭ بىردەن-بىر جولى – ونى باسقالارعا پاش ەتۋ. قازاقتىڭ ٴتول مادەنيەتى، ۇلتتىق قۇندىلىقتارى بىزگە – قازاققا عانا قاجەت! اۋمالى-توكپەلى زاماندا قول قۋسىرىپ وتىرماي نەمەسە بيلىككە جالتاقتاي بەرمەي، شىن ۇمتىلساق تالاي بيىكتەردى جالعىز ٴجۇرىپ-اق باعىندىرۋعا بولاتىنىن سوزبەن ەمەس، ىسپەن دالەلدەگىم دە كەلدى... ال ەندى ٴمينيستردىڭ مادىمدەمەسىن قالاي تۇسىنۋگە بولادى؟ وسى جوباعا قازاق ٴانشىسىن قاتىستىرۋ تۋرالى يدەيادان باستاپ، ديماشتى كونكۋرس «ەسىگىنە كىرگىزىپ جىبەرگەنگە» دەيىنگى ەكى جىل ۋاقىت ارالىعىندا ٴىستىڭ باسى-قاسىندا جۇرگەن مەن نەگە مينيسترلىكتىڭ قولداۋى بىلاي تۇرسىن، وسى ىسكە اتسالىسقان بىردە-بىر مينيسترلىك قىزمەتكەرىن كورە المادىم؟! مينيستر مىرزا قولداۋىن كىمگە، قالاي كورسەتتى؟ ونى قالاي، نەمەن دالەلدەيدى؟ نەمەسە ارىستانبەك مۇحامەدي ۇلى «ەلباسى تاپسىرماسىن جوعارى دەڭگەيدە ورىندادىق» دەپ كىمدەردى مەڭزەپ تۇر؟! بۇل بىرەۋدىڭ ەڭبەگىن پايدالانۋ ەمەس پە؟ ەگەر ٴقازىر بۇكىل كەلىسسوز بارىسىنىڭ قالاي جۇرگەنىن حات-حابارىمەن بىرگە جاريا ەتىپ جىبەرسەم، ول جەردە ٴاتى-جونى بىردە-بىر رەت اتالماعان مينيسترگە ۇيات بولماي ما؟ نەمەسە، «مەن ەدىم» دەپ جۇرگەن باسقا دا ازاماتتار كىممەن جانە قالاي كەلىسسوز جۇرگىزگەنىن، ونىڭ قانشا كەزەڭنەن تۇرعانىن كورسەتىپ بەرە الا ما ەكەن؟ ٴيا، ارىستانبەك مىرزا «دايديداۋدى» ۇلت اسپاپتار ٴانسامبلىنىڭ سۇيەمەلدەۋىمەن ورىنداۋعا جاردەم جاساپ جاتىر ەكەن. ونى ەشكىم جوققا شىعارمايدى. ٴبىراق، ورتا جولدان قوسىلىپ، ٴوزىن العا شىعارۋىنا بۇل ازدىق ەتپەي مە؟
جالپى، بۇل جاعداي توڭىرەگىندە ايتىلىپ جاتقان كوپ نارسەنى كورسەم دە كورمەگەندەي، ەستىسەم دە ەستىمەگەندەي كۇي تانىتىپ ٴجۇرمىن... سەبەبى، بۇل بىزگە (قازاققا) ابىروي اكەلمەيدى. جازا بەرسە ماعان توم-توم كىتاپ جازۋعا دا بولار، بالكىم... ٴبىراق حالىققا قاجەتسىز، تەك قازاقتاردىڭ اراسىنا بۇلىك تۋدىراتىن دۇنيەنى ايتقىزۋعا، جازعىزۋعا مەنى ەشكىم ماجبۇرلەمەسە ەكەن دەيمىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي