BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴانشىنىڭ مەنەدجەرى: ديماشتىڭ 3،4،5،6-شى ورىن العانى – وليمپيادادا قولا العانمەن بىردەي

ديماش قۇدايبەرگەننىڭ pr-مەنەدجەرى ٴارى دوسى الپامىس شاريموۆ قىتايدا ٴوتىپ جاتقان «i am singer» بايقاۋىنىڭ شارتتارىن تولىق ٴتۇسىندىرىپ بەردى، دەپ حابارلايدى baq.kz.

الەۋمەتتىك جەلىدەگى پاراقشاسىنا ٴان بايقاۋىنىڭ وسى اپتاعا ارنالعان جارناما روليگىن جاريالاعان شاريموۆ «i am singer» جوباسى تۋرالى كەيبىر اقپاراتتى ەل نازارىنا ۇسىندى.

«1. وسى اپتادا 7 ەفير كورسەتىلىمگە شىعادى. ديماش قازاق ٴانى «دايديداۋدى» شىرقايدى. ديماشقا وزىمەن بىرگە وقيتىن قازاق ۇلتتىق ونەر اكادەمياسىنىڭ ستۋدەنت دوستارى كومەكتەسەتىن بولادى.

2. ەڭ العاشقى ەفيردەن بەرى قاراي 3 ٴانشى عانا قالدى. ديماشپەن بىرگە سەندي لەم جانە «ليون» توبى.

3. قالعان انشىلەر ودان كەيىن كەلىپ قوسىلعان انشىلەر. ٴبىراق، بارلىعىنىڭ جەڭىسكە دەگەن مۇمكىندىگى بىردەي. جوبانىڭ اتى «مەن ٴانشىمىن» دەپ اتالادى. ياعني، ٴانشى بولساڭ، ورتادان كەلىپ قوسىلعان انشىلەرگە قارسى تۇرا ٴبىلۋىڭ كەرەك، سىلتاۋ ىزدەمەۋ كەرەك، ادىلەتسىزدىكتى كورمەۋ كەرەك. تاعى دا ايتامىن، بۇل «بيتۆا تيتانوۆ»!

4. ٴباز بىرەۋلەر، بۇل اشەيىن ٴبىر وبلىستىق ارنانىڭ باعدارلاماسى. بەلگىسىز ٴبىر باعدارلاما دەپ، ٴالى كۇنگە دەيىن بوكسىپ ٴجۇر!.. رەيتينگ ەڭ تومەنى 28.8% الاتىن «the singer» جوباسى قىتايداعى ەڭ كوپ قارالاتىن جوبالاردىڭ ەڭ ۇزدىگى بولىپ تابىلادى.

5. كەيبىر سايتتار ٴۇشىنشى ورىن الىپ قالعان ساتتە «تاڭعالدىرا المادى»، «جەڭىلىس تاپتى»، «سوڭعى ورىن الدى»، «ۇتىلدى» دەپ جارىسا جازىپ جاتىر! (ارينە تاقىرىبى سولاي بولسا وقىرمانى كوپ بولادى دەگەن ماقسات قوي، دەسەك تە...) قاتەلەسپەڭىز! بۇل بايقاۋ سىزدەر كوزگە ۇيرەنگەن «جاس قانات» پەن «ازيا داۋىسى» نەمەسە «نوۆايا ۆولنا» مەن «ەۆروۆيدەنيە» ەمەس! سيستەماسى مۇلدەم بولەك! تاعى دا ايتامىن، تانىمال انشىلەردىڭ جارىسى بولعاندىقتان، «تيتانداردىڭ شايقاسى» بولعاندىقتان، «سەن تۇر، مەن اتايىنداردىڭ» سايىسى بولعاندىقتان، 7 نەمەسە 8 عانا قاتىسۋشى اپتا سايىن (بايقاۋدان تىس قالىپ جانە جاڭا انشىلەر قوسىلىپ وتىرادى) قاتىسقاندىقتان 1،2،3،4،5،6،7،8 ورىندار بەرىلەدى. بۇنداعى ٴ1-شى ورىن ارينە جەڭىس! 2،3،4،5،6-شى ورىندار جامان دەگەن ٴسوز ەمەس، جوبادا قالدى، جاقسى ورىندار! 7، 8 ورىندار ٴقاۋىپتى ورىندار بولىپ تابىلادى! سوندىقتان، 3،4،5،6-شى ورىندار العاندا وليمپيادادا قولا العانمەن بىردەي كورىپ قۋانساڭىزدار بولادى! ونىڭ ٴوزى ۇلكەن جەتىستىك بۇل جوبادا! ەڭ باستىسى، ادەمى ونەر كورسەتۋ!

6. قازاقستان كورەتىن جوبانىڭ ٴبىر بولىگى عانا. بۇل تەك ٴان بايقاۋى ەمەس. رەاليتي شوۋ. ٴانشى ۇنەمى كامەرا باقىلاۋىندا. ەستەرىڭىزدە بولسا، قازاقستانعا دا سول كامەرالارمەن كەلگەنبىز!

7. دايىندىققا تەك ٴبىر اپتا ۋاقىت بەرىلەدى»، - دەپ بايقاۋدىڭ مارتەبەسىن مەن شارتتارىن ەگجەي-تەگجەي ٴتۇسىندىرىپ بەرگەن ول ديماشتىڭ تىڭدارماندارىن بەيرەسمي اقپاراتتارعا سەنە بەرمەۋگە شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي