BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴانشى sia بۇركىتشى قازاق قىزىنا ٴان ارنادى

ٴانشى sia موڭعوليادان بۇركىتشى قازاق قىزى ايشولپان نۇرعايەۆا تۋرالى فيلمگە ساۋندترەك بولىپ تابىلاتىن «angel by the wings» اتتى جاڭا ٴانىن جازدى.

دجاز جانە پوپ ستيلىندەگى ورىنداۋشى اۆستراليالىق سيا فەرلەر رەجيسسەر وتتو بەللدىڭ «the eagle huntres» دەرەكتى فيلمىنە باللادا-ساۋندترەگىن ورىندادى.

فيلم اتا-بابا ٴداستۇرىن جالعاستىرعان بۇركىتشىلىك ونەردى مەڭگەرگەن قازاق قىزى ايشولپان نۇرعايەۆا جايلى. بۇل نەگىزىنەن ەرلەرگە ٴتان كاسىپ. الەمدە بۇل ونەرمەن تەك 2 نازىك جان عانا شۇعىلدانادى ەكەن. ولاردىڭ ەكەۋى دە - قازاق. ەكىنشىسى قازاقستاندا تۇراتىن بۇركىتشى ماقپال ٴابدىرازاقوۆا.

بۇركىتشى قىز تۋرالى دەرەكتى فيلم 28 قازاننان باستاپ نيۋ-يورك پەن لوس-اندجەلەس كينوتەاترلارىندا كورسەتىلىپ جاتقانىن اتاپ وتكەن ٴجون. sia - angel by the wings سيا سوڭعى جىلدارداعى ەرەكشە كوزگە تۇسكەن انشىلەردىڭ ٴبىرى. ول جۇرتشىلىقتى جۇمباقتىعىمەن تاڭعالدىرىپ ٴجۇر. ول ٴجۇزىن جاسىرۋ ٴۇشىن قارا-اق ٴتۇستى پاريك كيەدى.

وتتو بەلل ۇلىبريتانيا رەجيسسەرى، الايدا نيۋ-يوركتە جۇمىس ىستەيدى. ول 15-كە جۋىق قىسقا مەتراجدى فيلم تۇسىرگەن. ايشولپان نۇرعايەۆا اكەسى، اناسىمەن بىرگە 6000 ٴميلدى ەڭسەرىپ، موڭعوليادان اقش-قا، پارك-سيتيگە كەلدى. بۇگىندە يۋنەسكو-نىڭ ماتەريالدىق ەمەس مۇراسىنىڭ كورنەكى تىزىمىنە ماتەريالدىق ەمەس مادەني مۇرانى قورعاۋ كوميتەتىنىڭ شەشىمىنە سايكەس اڭعا قۇس سالۋ، قازاق كۇرەسى جانە ت.ب. ەنگەن.

ادەلايدانىڭ 40 جاستاعى تۋماسىنىڭ العاشقى البومى 1997 جىلى شىققان. الايدا سيا فەرلەر 2008 جىلى عانا تانىلدى. ونىڭ جەتى البومى بار. كوپ ورىندالاتىندارى - titanium، elastic heart جانە chandelier.

قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي