BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴان پاتشايىمىنىڭ كەشى

فوتو: ҚазАқпарат

ەلوردانىڭ 20 جىلدىق مەرەيتويىنا وراي 6 شىلدە كۇنى «استانا» كونسەرت زالىندا كسرو حالىق ٴارتىسى، سوسياليستىك ەڭبەك ەرى، كسرو جانە قازاقستان مەملەكەتتىك سىيلىقتىڭ لاۋرەاتى، اكادەميك بيبىگۇل تولەگەنوۆانىڭ جەكە كونسەرتى ٴوتتى، دەپ حابارلايدى baq.kz اقپارات اگەنتتىگى.

بيبىگۇل تولەگەنوۆانىڭ ويىنشا، «ٴوز داۋىرىندە دۇرىلدەپ، سول كەزدە قازاق وپەرا ونەرىن بىرگە بيىككە كوتەرگەن دارا ٴھام قاتارلاس تۇلعالار قالمادى»، وكىنىشكە قاراي. «ٴقازىر سول داۋرەننىڭ كوزى ٴتىرى ٴانشىسى – جالعىز ٴوزىممىن. 2014 جىلى مەرەيتويلىق كونسەرتىمدى وتكىزدىم. ال بيىلعى كەشىمدى استانانىڭ 20 جىلدىعىنا ارنايمىن»، - دەيدى قازاق ٴان ونەرىنىڭ جارىق جۇلدىزى.

كەش بويى ونەرسۇيەر قاۋىم كۇمىس كومەي، جەزتاڭداي ٴانشى بيبىگۇل تولەگەنوۆانىڭ بۇلبۇل داۋسىن ەستىپ، تاڭعاجايىپ ٴان مەرەكەسىنىڭ كۋاگەرلەرى بولدى. سونداي-اق ساحنا تورىندە بيبىگۇل تولەگەنوۆانىڭ حالىقارالىق ۆوكاليستەر بايقاۋىنىڭ لاۋرەاتتارى، بۇگىندە قر ەڭبەك سىڭىرگەن قايراتكەرلەرى – تولقىن زابيروۆا، تالعات مۇسابايەۆ، الفيا كارىموۆا، ازامات جىلتىركوزوۆ، جۇپار عابدۋللينا، دينا حامزينا، مەدەت شوتابايەۆ، «دارىن» مەملەكەتتىك جاستار سىيلىعىنىڭ لاۋرەاتى – مالىك ازات سىندى جاس وپەرا جۇلدىزدارى ونەر كورسەتتى. كونسەرتتى استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ سيمفونيالىق وركەسترى سۇيەمەلدەدى. كوركەمدىك جەتەكشىسى – بەرىك باتىرحان ۇلى.

مەرەكەلىك شارانى استانا قالاسى مادەنيەت جانە سپورت باسقارماسىنىڭ قولداۋىمەن «ميراس» قوعامدىق ۇلتتىق مادەنيەت قورى ۇيىمداستىردى.

كونسەرتتە جوعارى دەڭگەيدە ورىندالعان قازاق مۋزىكاسىنىڭ ۇزدىك تۋىندىلارى سان الۋان مادەنيەتتەردى توعىستىرىپ، قازاق حالقىنىڭ اسەمدىك پەن اۋەزدىككە تولى جان دۇنيەسىن تانىتىپ، وتاندىق كومپوزيتورلاردى پاش ەتۋدى كوزدەگەن-دى. «شارا استانانىڭ 20 جىلدىعىنا ورايلاستىرىلىپ، كلاسسيكالىق ونەردىڭ رۋحىن كوتەرىپ، ەلوردالىقتار مەن قالا قوناقتارىنىڭ رۋحاني دامۋىنا سەرپىن بەردى»،- دەيدى ۇيىمداستىرۋشىلار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي