BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«التىن توبىلعى» ادەبي بايقاۋى جاريالاندى

ورتالىق كوممۋنيكاسيالار قىزمەتىندە وتكەن بريفينگتە قازاقستان رەسپۋبليكاسى تۇڭعىش پرەزيدەنتى – ەلباسى قورى ٴداستۇرلى «التىن توبىلعى» ادەبيەت بايقاۋىنا وتىنىمدەر قابىلداۋ باستالعانى تۋرالى جاريالادى، دەپ حابارلايدى baq.kz اقپارات اگەنتتىگى.

سىياقىنىڭ جالپى قورى – 5،5 ميلليون تەڭگە.

بايقاۋ سەرىكتەستەرى – قازاقستان جازۋشىلار وداعى جانە مەملەكەتتىك ٴتىلدى دامىتۋ قورى.

ٴىس-شاراعا قر تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ، قازاقستان جازۋشىلار وداعى باسقارما ٴتوراعاسىنىڭ ٴبىرىنشى ورىنباسارى اقبەرەن ەلگەزەك، مەملەكەتتىك ٴتىلدى دامىتۋ قورىنىڭ ديرەكتورى ازات شاۋەەۆ جانە «التىن توبىلعى – 2016» سىيلىعىنىڭ لاۋرەاتى تاتيانا كرەتوۆا قاتىستى.

«التىن توبىلعى» بايقاۋى جىل سايىن ۇلتتىق ادەبيەتتە جاڭا ەسىمدەردى قالىپتاستىرۋ جانە جاس قالامگەرلەردىڭ ومىرلىك فيلوسوفياسىن كورسەتەتىن قازىرگى زامانعى ادەبيەتكە قوعامنىڭ قىزىعۋشىلىعىن ارتتىرۋ ماقساتىندا وتكىزىلەدى. بۇل بىرەگەي بايقاۋ پرەزيدەنتتىڭ «بولاشاققا باعدار: رۋحاني جاڭعىرۋ» ستراتەگيالىق ماقالاسىن جۇزەگە اسىرۋعا باعىتتالعان. ٴوزىنىڭ باعدارلامالىق ماقالاسىندا نۇرسۇلتان نازاربايەۆ دارىندى جانە تابىستى جاستارعا نازار اۋدارۋ جايلى ايتقان. «التىن توبىلعى» بايقاۋى جاس جازۋشىلاردىڭ شىعارماشىلىعىنا قولداۋ كورسەتۋ سياقتى ماقساتتاردى العا قويىپ وتىر.

بايقاۋ قۇرىلتايشىسى، قر تۇڭعىش پرەزيدەنتى – ەلباسى قورى جىل سايىن 1،5 ميلليون كولەمىندە ارنايى نوميناسيا تاعايىندايدى. ماسەلەن، 2015 جىلى «ماڭگىلىك ەل» اتالىمىنداعى شىعارما اۆتورى، 2016 جىلى «قازاقستان رەسپۋبليكاسىنىڭ تاۋەلسىزدىگىنە 25 جىل» اتالىمى بويىنشا جەڭىمپاز جانە بىلتىر «رۋحاني جاڭعىرۋ» باعدارلاماسىن جۇزەگە اسىرۋ ماقساتىنداعى «تۋعان ەل» تاقىرىپتىق اتالىمدارى ماراپاتتالدى. بيىل بايقاۋ ٴتورتىنشى رەت ٴوتىپ وتىر جانە استانانىڭ 20 جىلدىعىنا ارنالادى.

«التىن توبىلعى» بايقاۋى ەلىمىزدىڭ بارلىق وڭىرلەرىنەن 17 جاڭا جاس اقىن-جازۋشىنىڭ اتىن شىعاردى. ولار ٴوز شىعارمالارى ٴۇشىن اقشالاي سىيلىققا يە بولدى جانە شىعارمالارىن جارىققا شىعارۋعا مۇمكىندىك الدى. ۇزدىك دەپ تانىلعاندار ىشىندە: وسكەمەننەن اراي ەرتارعىنوۆا، الماتىدان كرەتوۆا تاتيانا، الماتى وبلىسىنان ماقپال مىسا، استانادان ٴالماش ايسۋلۋ، تالدىقورعاننان ەسبولات ايدابوسىن، سەمەيدەن مەرەي قارت، شاحتينسكىدەن الەكسەي ۆارزايەۆتار بار. بىلتىر لاۋرەاتتاردىڭ شىعارمالارى ارنايى باسىلىممەن كىتاپ بولىپ شىقتى. ٴىس-شارانىڭ سوڭىندى بارلىق جۋرناليستەرگە كىتاپتار تاراتىلدى.

«بايقاۋدىڭ باستى ماقساتى – قازىرگى قازاقستاندىق جاس اقىن-جازۋشىلارعا قولداۋ كورسەتۋ جانە ىنتالاندىرۋ. ولارعا ٴوز ەسىمدەرىن شىعارىپ جانە حالىققا كوركەم شىعارمالارىن تانىستىرۋعا ۇلكەن مۇمكىندىك بەرۋ»، - دەدى سۇلتان ايتجانوۆ.

بايقاۋعا ەلىمىزدىڭ 18-35 جاس ارالىعىنداعى جاس دارىندار قاتىسا الادى جانە بۇدان بۇرىن ەش جەردە جاريالانباعان تۋىندىلار عانا قابىلدانادى.

«التىن توبىلعى» سىيلىعى «ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «ۇزدىك بالالارعا ارنالعان شىعارما» سياقتى ٴتورت نوميناسيا بويىنشا تاعايىندالعان. ٴاربىر نوميناسيانىڭ جەڭىمپازىنا 1 ميلليون تەڭگە سىياقى بەرىلەدى. سونىمەن قاتار، بيىلعى جىلى «استانانىڭ 20 جىلدىعىنا ارنالعان ۇزدىك شىعارما» اتتى ارنايى تاقىرىپتىق نوميناسيا جاريالاندى. بۇل نوميناسيا بويىنشا سىياقى 1،5 ميلليون تەڭگە كولەمىندە بەلگىلەندى.

شىعارمالاردى ەلىمىزدىڭ تانىمال مادەنيەت قايراتكەرلەرى، اقىن-جازۋشىلار مەن جۋرناليستەرىنەن قۇرالعان قازىلار القاسى ساراپتايتىن بولادى.

بايقاۋعا ۇسىنىلعان جۇمىستار جانرعا سايكەستىك، ويلاۋ دەربەستىگى، اۆتورلىق ۇستانىم، بايانداۋ رەتتىلىگى مەن ماعىنالىلىعى، يدەيا ەرەكشەلىگى، ادەبي-كوركەم قۇندىلىعى، كوركەمدىك قيال مەن شىعارماشىلىق كوزقاراس، ەستەتيكالىق اسەر تەرەڭدىگى سياقتى ولشەمدەر بويىنشا باعالانادى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جەتىلدىرىلگەن. شىعارما لاقاپ اتپەن قابىلدانىپ، ساراپتاۋ كەزىندە قازىلىر القاسى شىعارمالار اۆتورلارىنىڭ ەسىمدەرىن بىلمەيتىن بولادى.

وتىنىمدەر 2018 جىلعى 1 شىلدە مەن 1 قاراشا ارالىعىندا قابىلدانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي