BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايتىس ەل اراسىنا ىرىتكى سالاتىن بولسا، ەندى وتكىزبەي-اق قويۋ كەرەك – ا.قاليەۆ

وسىدان ەكى-ۇش كۇن بۇرىن الماتىدا ەل تاۋەلسىزدىگىنىڭ 25 جىلدىق مەرەيتويىنا ارنالعان «التىن دومبىرا» ايتىسى وتكەن ەدى. بۇل جولى قازىلار القاسىنىڭ شەشىمىمەن باس جۇلدە – التىن دومبىرانى سىر سۇلەيى مۇحتار نيازوۆ يەلەندى. الايدا ايتىستى تاماشالاعان جۇرتشىلىق ٴادىل قازىلاردىڭ بۇل شەشىمىمەن كەلىسپەي، نارازىلىق بىلدىرگەن ەدى. مۇحتار نيازوۆتىڭ جەڭىسى توڭىرەگىندە تاۋسىلماي جاتقان داۋعا قاتىستى اقىن ايبەك قاليەۆ تە پىكىرىن ٴبىلدىردى.

«ەكى-ۇش كۇننەن بەرى «التىن دومبىرا» توڭىرەگىندەگى داۋ تولاستار ەمەس. ەكى جاقتى دا تۇسىنۋگە بولادى. مەن دە ەكى وتتىڭ اراسىندا ەكىۇداي سەزىمدە قالدىم. مۇxتارجاننىڭ دومبىرانى العانىنا قانشالىقتى قۋانسام، اقبوكەنىمنىڭ الماعانىنا سونشالىقتى قىنجىلدىم. الەۋمەتتىك جەلىدە مۇxتاردىڭ اتىنا قانشاما اڭگىمەلەر ايتىلىپ جاتىر، جول شىنىمەن دە بولاتبەكتىكى ەدى، ٴبىراق مۇxتاردا كىنا جوق قوي. مۇxتارعا جاقسىلىق جاسايمىن دەگەن كەيبىر قازىلار، كەرىسىنشە كورەرمەن جۇرتتى وعان قارسى قويىپ قيانات جاساپ قويعان سياقتى. مۇxتار دا، بولاتبەك تە مەنىڭ ەڭ جاقىن ارالاساتىن، تۋعانىمداي بولىپ كەتكەن باۋىرلارىم. ەكەۋى دە پەندەشىلىكتەن جوعارى تۇرعان ازاماتتار. اقىن دەگەن ٴبىر اۋىز جىلى سوزگە مارقايىپ قالاتىن، ٴبىر اۋىز سۋىق سوزگە جۇرەگى اۋىراتىن جاندار عوي. سوندىقتان دا ەكى ٴدۇلدۇلىمىزدىڭ اراسىنا كىربىڭ ٴتۇسىرىپ، جاندارىن جارالاپ المايىقشى، اعايىن! قازىرگى ايتىستا شاپپا-شاپ ايتىستا، سۋىرىپ-سالمالىقتا مۇxتاردىڭ الدىنا تۇسەتىن، جىرىنىڭ كوركەمدىگى جاعىنان اقبوكەننەن وزاتىن اقىن جوق. ەكەۋى دە باسى مەن بولىپ ايتىس اقىندارى تاراپىنان مويىندالىپ قويعان. ەلدى بىرلىككە شاقىراتىن «التىن دومبىرا» ايتىسى وسىلايشا ەل اراسىنا ىرىتكى سالاتىن بولسا، ەندى وتكىزبەي-اق قويۋ كەرەك شىعار»، - دەپ جازعان اقىن فەيسبۋكتەگى پاراقشاسىندا.

ايتا كەتسەك، اقىنداردىڭ ونەرىن قازاقستاننىڭ حالىق اقىنى قونىسباي ٴابىلوۆ، فيلولوگيا عىلىمدارىنىڭ دوكتورى قويلىباي اسانوۆ، «دارىن» سىيلىعىنىڭ لاۋرەاتى مۇحامەدجان تازابەك، قر ەڭبەك سىڭىرگەن قايراتكەرى امانجول التايەۆ، «دارىن» سىيلىعىنىڭ لاۋرەاتى داۋلەتكەرەي كاپ ۇلى سىندى تانىمال اقىنداردان جاساقتالعان قازىلار القاسى باعالادى. ايتۋلى دودانى ايتىستىڭ اقىلمانى ٴجۇرسىن ەرمان جۇرگىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي