2193 
0
الماتى، baq.kz. 29 قاراشا كۇنى حالىقارالىق ادام قۇقىعى كۇنىنە وراي الماتى قالاسىنداعى ورتالىق مەملەكەتتىك مۇراجايدا جىل سايىنعى world press photo 2018 بىرەگەي كورمەسىنىڭ اشىلۋى وتەدى.
5977
0 
استانا: 
الماتى، baq.kz. 29 قاراشا كۇنى حالىقارالىق ادام قۇقىعى كۇنىنە وراي الماتى قالاسىنداعى ورتالىق مەملەكەتتىك مۇراجايدا جىل سايىنعى world press photo 2018 بىرەگەي كورمەسىنىڭ اشىلۋى وتەدى.
كورمەدە وتكەن جىلدىڭ ەڭ ماڭىزدى وقيعالارىن بەينەلەگەن ەڭ ۇزدىك فوتوسۋرەتتەردى تاماشالاي الاسىزدار. ۇيىمداستىرۋشىلاردىڭ ايتۋىنشا، بيىل قازىلار القاسى 125 ەلدەن 4،5 مىڭ فوتوسۋرەتشىنىڭ 73 مىڭعا جۋىق سۋرەتىن باعالاعان. سونداي-اق جەڭىمپازدار مەن جۇلدەگەرلەر قاتارىنا 42 ادام كىرگەن. قازاقستاندىقتار ەلىمىزدىڭ تەك ٴتورت قالاسىندا عانا، ياعني استانا، قاراعاندى، الماتى جانە شىمكەنتتە جۋرناليستەردىڭ بۇكىل الەمنەن جىبەرىلگەن ەڭ ۇزدىك فوتوسۋرەتتەرىن كورۋگە مۇمكىندىك الىپ وتىر.
world press photo 2018 – بۇل فوتوجۋرناليستيكا سالاسىنداعى ەڭ بەدەلدى حالىقارالىق بايقاۋ جەڭىمپازدارىنىڭ جۇمىس كورمەسى. كاسىبي فوتوسۋرەتشىلەردەن جانە باق فوتورەداكتورلارىنان تۇراتىن تاۋەلسىز حالىقارالىق قازىلار القاسى جىل سايىن الەمنىڭ تۇكپىر-تۇكپىرىندە جۇمىس ىستەيتىن فوتوجۋرناليستەردىڭ، اگەنتتىكتەردىڭ، گازەت پەن جۋرنالداردىڭ ۇمىتكەرلەرىنىڭ جۇمىستارىن 9 ٴتۇرلى ساناتتا باعالايدى.
سونداي-اق، world press photo حالىقارالىق فوتوبايقاۋى جەڭىمپازدارىنىڭ كورمەسى اياسىندا نيدەرلاند كورولدىگىنىڭ ەلشىسى 2018 جىلدىڭ 10 جەلتوقسانىنداعى حالىقارالىق ادام قۇقىعى كۇنىنە وراي الەۋمەتتىك ماڭىزعا يە تاقىرىپتارعا ارنالعان فوتوسۋرەتتەر ونلاين-بايقاۋىن ۇيىمداستىرادى.
استانا مەن قاراعاندىداعى كورمە اياقتالىپ قويدى. الماتىداعى كورمە 2 اپتاعا سوزىلادى. قازاقستاندا كورمە ٴۇشىنشى مارتە وتكىزىلۋدە. وسىعان دەيىن كورمە استانا، الماتى، قاراعاندى جانە وسكەمەندە 2013 جانە 2014 جىلدارى وتكىزىلگەن بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
