BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا شەتەلدە تۇراتىن قانداستاردىڭ قاتىسۋىمەن حالىقارالىق ونەر فەستيۆالى وتەدى

قازان ايىنىڭ ٴ7-شى جۇلدىزى كۇنى الماتىداعى م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا قازاقستاننىڭ تاۋەلسىزدىگىنە 25 جىل تولۋىنا وراي شەتەلدەگى قانداستارىمىزدىڭ قاتىسۋىمەن حالىقارالىق ونەر فەستيۆالى وتەدى، دەپ حابارلايدى baq.kz ٴتىلشىسى.

قازاقستان رەسپۋبليكاسىنىڭ مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا «دۇنيەجۇزى قازاقتارىنىڭ قاۋىمداستىعى» رقب قازاقستان تاۋەلسىزدىگىنىڭ 25 جىلدىعىنا وراي «شەتەلدە تۇراتىن وتانداستاردىڭ قاتىسۋىمەن حالىقارالىق ونەر فەستيۆالىن» وتكىزەدى.
فەستيۆالدىڭ ماقساتى - شەتەلدە تۇراتىن وتانداستارىمىزبەن مادەني جانە رۋحاني، سونداي-اق ٴبىلىم سالاسىنداعى بايلانىستى دامىتۋ جانە ولاردىڭ ۇلتتىق الەۋەتىن ارتتىرۋ.
فەستيۆال اياسىندا «الماتى- تاۋەلسىزدىكتىڭ التىن بەسىگى» اتتى جىر ٴمۇشايراسى، تەرمەشىلەر سايىسى جانە سۋرەت كورمەسى وتكىزىلەدى.
فەستيۆالعا قازاقستان رەسپۋبليكاسىنىڭ پرەزيدەنت اكىمشىلىگىنىڭ، مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ وكىلدەرى، دەپۋتاتتار، رەسپۋبليكانىڭ بارلىق وڭىرلەرىنەن ورالماندار، زيالى قاۋىم، باق وكىلدەرى، 20-دان اسا ەلدە تۇراتىن قازاق دياسپاراسىنىڭ 50-گە جۋىق وكىلى جانە ستۋدەنتتەر قاتىسادى.
فەستيۆال سوڭىندا سالتاناتتى ماراپاتتاۋ ٴراسىمى جانە گالا كونسەرت وتكىزىلەتىن بولادى. جەڭىمپازدار اقشالاي سىيلىقتارمەن ماراپاتتالادى.

ەستەرىڭىزدە بولسا، بۇعان دەيىن دە وسى فەستيۆالدىڭ وتەتىنى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي