2425 
0
الماتى، baq.kz ٴتىلشىسى. قر سۋرەتشىلەر وداعىنىڭ باستاماسىمەن almaty arena كەشەنىندەگى almaty art center بولىمىندە قازاقستاندىق مۇسىنشىلەردىڭ كورمەسى ٴوتىپ جاتىر.
استانا: 
الماتى، baq.kz ٴتىلشىسى. قر سۋرەتشىلەر وداعىنىڭ باستاماسىمەن almaty arena كەشەنىندەگى almaty art center بولىمىندە قازاقستاندىق مۇسىنشىلەردىڭ كورمەسى ٴوتىپ جاتىر.
ۇيىمداستىرۋشىلاردىڭ ايتۋىنشا، كورمە سۋرەتشىلەر وداعىنىڭ 85-جىلدىق مەرەيتويىنا ارنالعان جانە مۇنداي اۋقىمدى شارا تاۋەلسىزدىك العالى ەلىمىزدە ٴبىرىنشى رەت وتكىزىلىپ وتىر.
كورمەنىڭ سالتاناتتى اشىلۋى كەزىندە قر سۋرەتشىلەر وداعىنىڭ ٴتوراعاسى ومىربەك جۋبانيازوۆ، بيىلعى جىل سۋرەتشىلەر مەن مۇسىنشىلەر ٴۇشىن مەرەكەلى دە، بەرەكەلى جىل بولعانىن ايتىپ ٴوتتى.
«بيىل ٴبىزدىڭ وداققا 85 جىل تولىپ وتىر. وسىعان وراي كوپتەگەن ٴىس-شارالار وتكىزىلىپ، سۋرەتشىلەردىڭ كورمەلەرى كوپتەپ ۇيىمداستىرىلدى. قالا اكىمدىگىمەن بىرىگىپ بىرنەشە ٴىس-شارا وتكىزدىك. بۇگىنگى كورمەگە ەلىمىز تاۋەلسىزدىك العالى بەرى جاسالعان جۇمىستار قويىلعان، ياعني جاس مۇسىنشىلەردىڭ تۋىندىلارى حالىق نازارىنا ۇسىنىلۋدا»، -دەيدى ول.
سونداي-اق كورمە بارىسىندا «ونەر بارلىعى ٴۇشىن!» جوباسى تانىستىرىلدى. ول حالىقارالىق مۇگەدەكتەر كۇنى اياسىندا ىسكە اسىپ وتىر ەكەن.
جوبانى ۇيىمداستىرۋشىلار كوزى كورمەيتىن زاعيپ جاندارعا ٴمۇسىندى جاساۋ ونەرىن سەزىنىپ كورۋ مۇمكىندىگى بەرگىمىز، كەلدى دەيدى.
«ولار شاعىن مۇسىندەردى وزدەرى جاساۋ ارقىلى ٴمۇسىننىڭ ەستەتيكاسىن، كوركەم بەينەسىن، فاكتۋراسىن، ماتەريالىن، يدەياسىن جانە ماعىناسىن تۇسىنەتىن بولادى. ول ٴۇشىن سۋرەتشىلەر وداعى قازاقستانعا تانىمال مۇسىندەردىڭ شاعىن كوشىرمەسىن جاساۋداعى جاۋاپكەرشىلىكتى الىپ وتىر»، -دەيدى ٴمۇسىنشى مارات ٴامىرحان.
العاشقى كەزەڭ بويىنشا الماتى قالاسىنداعى جانارىنان ايىرىلعان 2 مىڭنان استام ادامدى قامتۋ جوسپارلانعان. ودان كەيىن ەلىمىزدىڭ ٴىرى قالالارىنداعى زاعيپ جاندار دا قامتىلماق ەكەن.
فوتو: اۆتور
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6004
0