BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «ماڭگىلىك تاڭبالارى» كورمەسى وتەدى

استانا، baq.kz. 29 قاراشا كۇنى الماتى قالاسىنداعى ٴا. قاستەەۆ اتىنداعى قر مەملەكەتتىك ونەر مۋزەيىندە قازاقستاننىڭ ەڭبەك سىڭىرگەن قايراتكەرى، قازاقستان سۋرەتشىلەر وداعى مەن قازاقستان ديزاينەرلەر وداعىنىڭ مۇشەسى، قر سۋرەتشىلەر وداعى شىمكەنت ۇيىمى باسقارماسىنىڭ ٴتوراعاسى سۇلتان يليايەۆتىڭ «ماڭگىلىك تاڭبالارى» كورمەسىنىڭ سالتاناتتى اشىلى بولادى.

سۇلتان يليايەۆتىڭ شىعارماشىلىق جولى شىمكەنت پەداگوگيكالىق ينستيتۋتىنىڭ كوركەمسۋرەت-گرافيكا فاكۋلتەتىن اياقتاعاننان كەيىن 1970-جىلدارى باستالدى. 1980-جىلدارى ونىڭ ەسىمى ساندىك-قولدانبالى ونەر شەبەرى رەتىندە ٴوزىنىڭ كيىزدەرىمەن بەلگىلى بولدى. 1990-جىلداردان باستاپ ٴوزىن تولىقتاي كەسكىندەمەگە ارنادى.

سۇلتان يليايەۆ ٴوزىنىڭ ونەرىنە سيمۆولدار مەن تاڭبالارعا تولى كەسكىندەمەدەگى ەرەكشە فورمانى تاپقان. سۋرەتشىنىڭ كەسكىندەمەسىن كوركەم شارتتىلىق پەن جالپىلىق بىرىكتىرىلگەن وزىندىك مەتافورا دەۋگە بولادى. ەڭ باستىسى، وندا ىشكى احۋال مەن ٴتۇستىڭ ۇندەستىگى، كولوريتتىڭ دەكوراتيۆتىك ۇندىلىگى، ٴار ٴتۇرلى ەلەمەنتتەردى كۇتپەگەن بەزبەندەۋدەن قۇرىلعان پلاستيكالىق فورمانىڭ كوزتارتار ادەمىلىگى بار. سۋرەتشى ٴوز كارتينالارىنا ەتنومادەني سيپاتقا تولى قۇراق، شاڭىراق سىندى قازاقتىڭ ساندىك-قولدانبالى ونەرىنىڭ ەلەمەنتتەرىن كىرگىزگەن. تۇيەلەر، بالىقتار، قۇستار، وگىزدەر، ۇيلەر، بالالار مەن ۇلكەندەر ونىڭ تۋىندىلارىنىڭ زاتتىق الەمىندە ٴاردايىم كوزدەن تاسا قالمايدى. بۇلاردىڭ بارلىعى ويلار مەن ەكپىندەردىڭ كەڭ دياپازونىن تۋدىرادى. سىرتتاي كورىنەتىن كارتينانىڭ استارىنان كورەرمەن باسقاشا، بولجالدى نەمەسە شامالانعان قاباتتارى مەن پلاندارىن ايىرىپ الادى. سۇلتان يليايەۆ ٴوزىنىڭ جەكە ستيليستيكاسىن، ٴوزىنىڭ جۇرەگىمەن تانىعان ٴتىلىن قالىپتاستىردى. سۋرەتشىنىڭ رۋحاني ٴداستۇرى الەمى – دايىم ماڭگىلىكتىڭ باسى بولاتىن ۋاقىت ٴوز كەڭىستىگىندە ەرىپ، ٴسىڭىپ كەتەتىن جەتىلگەن، امبەباپ الەم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي