BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «almaty gallery» كوركەم سۋرەت گالەرەياسى اشىلدى

استانا، baq.kz. مەملەكەتتىك «almaty gallery» كوركەم سۋرەت گالەرەياسىنىڭ العاشقى ەكسپوزياسى رەتىندە مەملەكەت باسشىسىنىڭ تاياۋدا جاريالانعان « ۇلى دالانىڭ جەتى قىرى» ماقالاسىمەن ۇندەستىك تاپقان سانجار مەن جانەل جۇبانوۆتاردىڭ «نوماد جۇرەگى» كورمەسى ۇسىنىلدى.

كوركەم سۋرەتتەردە جاڭا فورمات يدەيالارى قالىپتاسقان، مۇندا «المالى قالا» تۇرعىندارىنىڭ پورترەتتەرى، تاسقا ويىلىپ جاسالعان بەينەلەر، جۇلدىزدى گرافيكانىڭ كەرەمەتى، نوماد پوەزياسىنىڭ قۇدىرەتى سايراپ تۇر.

«ٴبىزدىڭ حالقىمىزدىڭ تاريحىندا ونەردە، عىلىمدا وزدەرىنىڭ سوڭىنان وشپەيتىن ٴىز قالدىرعان اۋلەتتەر جەتەرلىك ماسەلەن، اۋەزوۆتار، ساتپايەۆتەر، سەركەبايەۆتار، تىلەنديەۆتەر اۋلەتتەرى. سولاردىڭ ٴبىرى – جۇبانوۆتار اۋلەتى. مەن مادەني ورتالىقتىڭ قۇرىلعانىنا وتە قۋانىشتىمىن، ەندى ٴبىزدىڭ سۋرەتشىلەرىمىز، ونەر قايراتكەرلەرى مەن جاس دارىندار ٴوز شىعارمالارىن تەك قالا تۇرعىندارىنا عانا ەمەس، ارۋ قالامىزدىڭ قوناقتارىنا دا كورسەتە الادى. ٴبىز بۇدان بىلاي دا مادەنيەت پەن ونەردى دامىتۋ ٴۇشىن بارلىق جاعدايدى جاسايمىز ٴارى حالقىمىزدىڭ وزىندىك ەرەكشەلىگىن، ٴسالت-داستۇرىن ناسيحاتتايتىندارعا قولداۋ كورسەتەمىز»، - دەپ اتاپ ٴوتتى الماتى اكىمى باۋىرجان بايبەك.

جاڭا مادەني مەكەمە باسشىسى كريستينا بەكمۇرزايەۆا ٴوزىنىڭ سوزىندە العاشقى مەملەكەتتىك «almaty gallery» كوركەم سۋرەت گالەرەياسىنىڭ مادەني تۇعىر ەكەنىن، ونىڭ شىعارماشىلىقتىڭ جەكەلەگەن بولىكتەرىن قامتيتىنىن ٴارى ينتەراكتيۆتى تۇردە جيناقتالاتىن زاماناۋي ٴموبيلدى جانە اكادەميالىق كورمە كەڭىستىگى ەكەنىن ايتتى.

«الماتىنىڭ قازاقستاننىڭ ۇلتتىق جيۆوپيس مەكتەبىنىڭ ورتالىعى اتانۋى تەگىن ەمەس، مۇندا زاماناۋي كوركەم سۋرەت پروسەسسىنىڭ بارىنشا جارقىن جانە قىزىقتى قىرلارى شوعىرلانعان. «almaty gallery» – بۇل جاس دارىنداردى، شىعارماشىلىقتى ەندى عانا قولعا العان شەبەرلەردى قولداۋ ورتالىعى. بۇل شىعارماشىلىق تاندەم جانە ۇرپاقتار ۇندەستىگى، ەندى اتى اڭىزعا اينالعان سۋرەتشى ٴوز ونەرىمەن ٴبولىسىپ، ٴوزىنىڭ ٴىسىن وسكەلەڭ ۇرپاققا بەرە الادى. بارلىق ستەندىلەر مەن ەكسپوزيسيالار، جارىقتىڭ بەرىلۋى وتە ٴموبيلدى، ٴارى سۋرەتشىنىڭ تولىق مۇمكىندىگىن كورسەتە الادى. ونىڭ ۇستىنە، بۇل - اشىق الاڭ، ٴتۇرلى كەزدەسۋلەر جانە قايىرىمدىلىق پەن باسقا دا مادەني شارالاردى وتكىزۋگە بولادى»، - دەدى ول.

ايتا كەتەرلىگى، «رۋحاني جانعىرۋ» اياسىندا الماتىدا تاريحي ەسكەرتكىشتەردى قالپىنا كەلتىرۋ جۇمىستارى قارقىن الۋدا. قالا باسشىلىعى رايىمبەك باتىر ماۆزولەيىن رەكونسترۋكسيالاۋدى، «ەتنولەندانى» قالىپتاستىرۋدى، روزىباكيەۆ كوشەسى بويىنداعى قورعاندى مۋزەيفيكاسيالاۋدى جانە سوناۋ تەمىر ٴداۋىرىنىڭ جۇرناعى رەتىندە قالا اۋماعىندا ساقتالىپ قالعان جالعىز ەسكەرتكىش – بورالداي ساق قورعاندارىنىڭ اشىق اسپان استىنداعى مۋزەيى قۇرىلىسىن قولعا الۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي