BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى مۋزەيىندە فرانسۋزدىق جاس سۋرەتشىلەردىڭ كورمەسى اشىلدى

فوتو: Автор

الماتى، baq.kz ٴتىلشىسى. 9 جەلتوقسانعا دەيىن جالعاساتىن كورمەگە فرانسۋزدىڭ جاس سۋرەتشىلەرىنىڭ جيناقتالعان ۇجىمدىق جۇمىستارى قويلىعان.

كورمەنىڭ سالتاناتتى اشىلۋىندا الماتى قالاسى مادەنيەت باسقارماسىنىڭ باسشىسى حانزادا ەسەنوۆا الماتى اكىمدىگى فرانسيا ەلشىلىگىمەن بىرلەسىپ قازاقستانداعى مادەنيەت ماۋسىمى اياسىندا ٴبىرقاتار شارالار وتكىزگەندىگىن جانە سونىڭ ٴبىرى «سيفرلى كۇز-2018» فەستيۆالى ەكەندىگىن ايتىپ ٴوتتى.

«مۇنداي شارا ەلىمىزدە ٴبىرىنشى رەت وتكىزىلىپ وتىر. ٴقازىر جاھاندىق دامۋدىڭ ارتىندا سيفرلاندىرۋ بولاشاعى تۋراعانى جاسىرىن ەمەس. بۇگىنگى مۋزىكا، بەينەلەۋ ونەرى، انيماسيا بۇنىڭ بارلىعى سيفرلى يندۋسترياعا دەم بەرۋدە»، -دەيدى ول.

ۇيىمداستىرۋشىلاردىڭ ايتۋىنشا، بۇل فەستيۆالدىڭ ماقساتى – سيفرلى تەحنولوگيالاردى دامىتۋ، قالا تۇرعىندارىن سيفرلى ونەردى جاساۋدا جاڭاشا ويلاۋ پروسەسىنە تارتۋ، ونەردەگى يننوۆاسيالار مەن ونەرتاپقىشتىققا جاعداي تۋعىزۋ.

«بيىل قازاقستان مەن فرانسيا سەرىكتەستىگىنىڭ 10 جىلدىعىن اتاپ وتۋدەمىز. ٴبىز ٴۇشىن قازاقستان تاڭداعان «سيفرلى قازاقستان» باعىتىن قولداۋ ماڭىزدى. ياعني فرانسيا دا يننوۆاسيالىق دەرجاۆا ەكەنىن جانە وسى باعىتتا ٴوز ۇلەسىن قوسا الاتىندىعىن بىلدىرگىمىز كەلەدى»، -دەيدى فرانسيا كونسۋلدىعىنىڭ ۋنيۆەرسيتەت ىستەرى جونىندەگى اتاشەسى جيل مامەس.

الماتىعا ٴبىرىنشى رەت كەلگەن گرافيكالىق سۋرەتشى ورلەن جانەل ٴوز جۇمىستارىندا قالا تۇرعىندارىن پاريج ومىرىمەن تانىستىرۋعا تىرىسقاندارىن ايتادى.

«ٴبىز جۇمىستارىمىزدا ٴپاريجدىڭ قۇستارىن بەينەلەۋگە تىرىستىق جانە بۇل كورمەگە 15 سۋرەتشىنىڭ جۇمىسى قويىلدى»، -دەيدى فرانسۋز سۋرەتشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي