BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الىشەر كاريموۆ ارمەنيادان جۇلدە الىپ قايتتى

استانا. 25 قازان. baq.kz جاس ٴانشى الىشەر كاريموۆ حالىقارالىق «ەرەۆان شاقىرادى» بايقاۋىندا جۇلدەمەن ورالدى. 

ارمەنيادا وتكەن بايقاۋدان وتان­داسىمىز ٴۇشىنشى ورىن جەڭىپ الدى.
ال باس جۇلدە يزرايلدىك ارۋعا بۇيى­رىپتى. ٴبىرىنشى ورىن ۋكراينا ٴانشىسىنىڭ قانجىعاسىنا بايلانسا، گرۋزيالىق ۇمىتكەر ەكىنشى ورىندى ولجالاعان.
بايقاۋ شارتى بويىنشا، ٴار قاتى­سۋشى ٴۇش اننەن دايىنداپ كەلگەن. ال­دىمەن قازىلار القاسى مەن كورەرمەن­دەر سىنعا تۇسۋشىلەردىڭ الەمدىك تانى­مال تۋىندىلاردى قالاي شىرقايتى­نىن سىناپ كورگەن. ودان كەيىن ٴار ورىن­داۋشىعا ٴوز ەلىنىڭ ۇزدىك ٴانىن پاش ەتۋگە مۇرسات بەرگەن. سوڭىنان اقتىق بايگەگە ىرىكتەلىپ شىققاندار ارميان ٴتى­لىندە مۇمكىندىكتەرىن بايقاعان. ٴالى­شەر تارتۋ ەتكەن تولەگەن مۇحامەدجانوۆ­تىڭ «ىڭكارىم-اي» ٴانىن شەتەلدىكتەر ٴۇل­كەن ىقىلاسپەن قابىلداعان كورىنەدى.
ەستەرىڭىزدە بولسا، ول ٴبىر جىل بۇرىن جيىرماسىنشى مارتە وتكەن حالىقارا­لىق «ۆيتەبسك-2011» ەسترادالىق اندەر بايقاۋىندا دا ونەر كورسەتىپ، ٴۇشىنشى ورىندى يەمدەنگەن بولاتىن.
ال «ەرەۆان شاقىرادى» بايقاۋى بيىل ٴبىرىنشى رەت قولعا الىنىپ وتىر. اۋقىمدى شارا ارمەنيا استاناسىنىڭ 2794 جىلدىعىنا ارنالىپتى.
ٴدۇبىرلى دوداعا ۋكراينا، بەلورۋسسيا، مالتا، ەستونيا، لاتۆيا، ليتۆا، قا­زاقستان، يزرايل، پولشا، يسپانيا، رۋ­مىنيا، گرۋزيا، رەسەي، مولدوۆا، بول­گاريا، ۇلىبريتانيا سياقتى مەملەكەت­ٴتىڭ جاستارى جينالعان. ولاردىڭ باسىم بولىگى «ەۆروۆيدەنيە»، «x-factor» جوبا­لارىنا قاتىسىپ، تاجىريبە جيناق­تا­عاندار. جۇلدە قورىنا توقتالساق، از دا ەمەس، كوپ تە ەمەس، 20 مىڭ دوللاردى قۇ­را­عان. جەڭىمپازدار قوماقتى قارجىمەن قوسا، زاتتاي باعالى سىيلىقتارمەن، ارنايى ديپلومدارمەن ماراپاتتالعان. ارميان تىلىندە ۇزدىك ٴان سالعان ۇمىتكەرگە ارنايى جۇلدە تاعايىندالىپتى.
الىشەر ەلىمىزدىڭ اتىن اسقاقتاتىپ قانا قويماي، ٴوز تىڭدارماندارى ٴۇشىن «تاعى دا» دەپ اتالاتىن البومىن جا­رىققا شىعاردى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي