BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

العاشقى قازاقستاندىق ميۋزيكل ساحنالاندى

«قازاقستان» ورتالىق كونسەرت زالىندا «دوستار سەرتى» ميۋزيكلىنىڭ جاڭا كورسەتىلىمى ٴوتتى. جاڭا مۋزىكالىق قويىلىم — العاشقى قازاقستاندىق ميۋزيكل سانالادى. ول — استاناداعى «قازاقكونسەرت» مەملەكەتتىك كونسەرتتىك ۇيىمنىڭ جانىندا اشىلعان «astana musical» جاڭا مۋزىكالىق تەاترى ۇجىمىنىڭ بىرلەسكەن ەڭبەگىنىڭ جەمىسى، دەپ baq.kz مادەنيەت جانە سپورت مينيسترلىگىنە سىلتەمە جاساپ.

بۇل ەلىمىز ٴۇشىن ماڭىزدى وقيعا. ەڭ الدىمەن، مينيسترلىكتىڭ قولداۋىنىڭ ارقاسىندا اتى اڭىزعا اينالعان «قازاقكونسەرت» كونسەرتتىك ۇيىمىن ساقتاپ قالدىق. قانشالىقتى قيىن بولعانىمەن، ناتيجەسىندە سۇيىكتى اتاۋدى ساقتاپ، استانا قالاسىندا بىرەگەي ۇيىم قۇردىق. بۇل جەردە 100 پايىز قازاقستاندىق تۋىندىلار دۇنيەگە كەلەدى دەپ تولىقتاي سەنەمىن. قازاقستاندىقتارعا تاۋەلسىزدىگىمىزدىڭ 25 جىلدىعىنا وراي وسىنداي سىي جاساۋ ٴبىز ٴۇشىن قۇرمەت»، – دەپ اتاپ ٴوتتى «قازاقكونسەرت» مەملەكەتتىك كونسەرتتىك ۇيىمىنىڭ ديرەكتورى سالتانات سەيدىمبەك.

ميۋزيكلدىڭ ليبرەتتوسىن تانىمال قازاقستاندىق اقىن جانە سسەناريست باقىت قايىربەكوۆ جازدى. قويىلىم مۋزىكاسىنىڭ اۆتورى قازاقستاننىڭ ەڭبەگى سىڭگەن قايراتكەرى، ديريجەر ارتۋر ورەنبۋرگسكيي بولسا، رەجيسسەرى – ەسليام نۇرتازين. اقىن، دراماتۋرگ انناس باعدات ميۋزيكلدى قازاق تىلىنە اۋداردى.

ميۋزيكل جەلىسى بويىنشا ەلىمىزدىڭ ٴار وڭىرىنەن كونسەرۆاتورياعا وقۋعا كەلگەن ٴتورت جىگىتتىڭ باسىنان كەشكەن قىزىقتى وقيعالارى، جاستىق شاق، دوستىق پەن ماحاببات جايى باياندالادى. وقيعا ٴ60-70-شى جىلدار كەزەڭىندە ٴوربيدى. ميۋزيكلعا قازاق مۋزىكاسىنىڭ «التىن قورىنا» ەنگەن ش.قالداياقوۆ، ە.حاسانعاليەۆ، «دوس-مۇقاسان» توبىنىڭ اندەرى ارقاۋ بولدى. الەمدىك مۋزىكانىڭ جاۋھارلارى فرانكەل، بيتلز رەپەرتۋارىنىڭ شىعارمالارى ورىندالادى. سونداي-اق، جاڭا ستيليستيكالىق باعىتتا جازىلعان كومپوزيسيالار دا بار.

«astana musical» — ەلىمىزدەگى «قازاقكونسەرت» مەملەكەتتىك كونسەرتتىك ۇيىمىنىڭ نەگىزىندە قۇرىلعان تۇڭعىش مامانداندىرىلعان ميۋزيكل تەاترى. سپەكتاكلدە جاس اكتەرلار ونەر كورسەتەدى. جاڭا تەاتر زاماناۋي باعىتتارعا نەگىزدەلىپ، وتاندىق ميۋزيكلدەردىڭ بىرەگەي رەپەرتۋارىنىڭ ورتالىعىنا اينالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي