استانا، baq.kz. الەمگە ايگىلى فرانسۋزدىق-كانادالىق "notre dame de paris" ميۋزيكلى قازاق تىلىندە قويىلادى.
5977
0 
استانا: 
2678 
0
استانا، baq.kz. الەمگە ايگىلى فرانسۋزدىق-كانادالىق "notre dame de paris" ميۋزيكلى قازاق تىلىندە قويىلادى.
ميۋزيكلدىڭ قويىلىمىن قر مادەنيەت جانە سپورت مينيسترلىگىنىڭ قولداۋىمەن "qazaqconcert" مەملەكەتتىك كونسەرتتىك ۇيىمى ۇسىنادى، دەپ حابارلادى "qazaqconcert" مەملەكەتتىك كونسەرت ۇيىمداستىرۋشىلاردىڭ ٴباسپاسوز قىزمەتى. العاش رەت پاريج قالاسىندا 20 جىل بۇرىن قويىلعان ميۋزيكل الەمنىڭ 9 تىلىنە اۋدارىلعان. قازاقستان رەسپۋبليكاسى مادەنيەت جانە سپورت مينيسترلىگىنىڭ ۇلكەن ەڭبەگى ارقاسىندا قازاقستان اتاقتى ميۋزيكلدى ٴوزىنىڭ مەملەكەتتىك تىلدەرىنە اۋدارعان ونىنشى ەل بولىپ وتىر. الەمگە ايگىلى قويىلىم وتاندىق تەاتر ونەرى ٴۇشىن جاڭا بەلەس بولماق. بۇل مادەنيەت جانە سپورت مينيسترلىگىنىڭ ٴتيىستى جۇمىس ستاندارتى كوتەرىلگەن قر پرەزيدەنتىنىڭ جولداۋىنا تولىعىمەن سايكەس كەلەدى.
"notre dame de paris ميۋزيكلىنىڭ قويىلىمى ٴۇشىن ەلىمىزدىڭ بارلىق ايماعىنان جينالعان تالانتتى ۆوكاليستەر، اكروباتتار مەن بيشىلەر اراسىندا كاستينگ وتكىزىلدى. كاستينگكە ميۋزيكل اۆتورلارى ريككاردو كوچچانتە، قويۋشى رەجيسسەر روبەرت ماريەن، فرانسيا مەن قازاقستاننىڭ پروديۋسسەرلەرى مەن حورەوگرافتارى جەتەكشىلىك ەتتى"، - دەلىنگەن حابارلامادا.
"notre dame de paris" ميۋزيكلىنىڭ قويىلىمى زاماناۋي قازاقستاننىڭ تاريحىنداعى ايتۋلى وقيعا بولارى انىق. قر مادەنيەت جانە سپورت مينيسترلىگى مەن "qazaqconcert" مەملەكەتتىك كونسەرتتىك ۇيىمىنىڭ بىرلەسكەن جۇمىسىنىڭ ناتيجەسىندە قازاق تىلىندە ساحنالاناتىن "notre dame de paris" ميۋزيكلى ەلىمىزدە قويىلعان ميۋزيكلدەردىڭ ىشىندە ەرەكشە ورىن الاتىنى ٴسوزسىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
