BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەمگە ايگىلى «notre dame de paris» ميۋزيكلى قازاق تىلىندە قويىلادى

استانا، baq.kz. ورتالىق ازيادا تۇڭعىش رەت! قازاقستان رەسپۋبليكاسى مادەنيەت جانە سپورت مينيسترلىگى «qazaqconcert» مەملەكەتتىك كونسەرتتىك ۇيىمى گيننەستىڭ رەكوردتار كىتابىنا ەنگەن الەمگە ايگىلى «notre dame de paris» ميۋزيكلىن قازاق تىلىندە ۇسىنادى. اتاقتى فرانسۋزدىق-كانادالىق ميۋزيكلدىڭ پرەمەراسى 2018 جىلعى 18-24 جەلتوقسان كۇندەرى ارالىعىندا بەيبىتشىلىك جانە كەلىسىم سارايىندا وتەدى.

قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن قازاق تىلىندە ساحنالاناتىن «notre dame de paris» قويىلىمى وتاندىق تەاتر ونەرى ٴۇشىن جاڭا جەتىستىك، تىڭ جاڭالىق بولماق.

الەمدىك مادەنيەتتىڭ جاۋھارىنا اينالعان «notre dame de paris» ميۋزيكلى فرانسۋزدىق شانسون مەن سىعان موتيۆتەرىندەگى تانىمال اندەر، حورەوگرافيا، اكروباتتار ونەرى جانە قايتالانباس دەكوراسيالارمەن ورنەكتەلگەن. ميۋزيكل جەلىسىندە قازاق تىلىندە ورىندالاتىن «belle»، «danse mon esmeralda»، «le temps des cathedrales» سەكىلدى ەلۋگە جۋىق ٴاننىڭ اۋەنى تىڭدارماندى بىردەن باۋرايدى. ۋاقىت سىنىنان ٴوتىپ، تالعامپاز كورەرمەننىڭ ىستىق ىقىلاسىنا بولەنگەن ميۋزيكل ەشكىمدى بەيجاي قالدىرماسى انىق.

دۇنيەجۇزىن تاڭقالدىرعان «notre dame de paris» ميۋزيكلىنىڭ 20 جىلدىعى ەلوردامىز استانانىڭ 20 جىلدىق مەرەيتويىمەن تۇسپا-تۇس كەلىپ وتىر. العاش رەت 1998 جىلى پاريج قالاسىندا قويىلعان ميۋزيكل الەمنىڭ 9 تىلىنە اۋدارىلعان. ەندى، قازاقستان اتاقتى ميۋزيكلدى ٴوزىنىڭ مەملەكەتتىك تىلىنە اۋدارعان ونىنشى ەل بولىپ وتىر. ەلباسى ۇسىنعان «رۋحاني جاڭعىرۋ» باعدارلاماسى اياسىندا جۇزەگە اساتىن «notre dame de paris» قويىلىمى زاماناۋي قازاقستاننىڭ تاريحىنداعى ايتۋلى وقيعا بولارى ٴسوزسىز.

«notre dame de paris» ميۋزيكلىنىڭ تۇپنۇسقاسىمەن سايكەس كەلەتىن قازاق تىلىندەگى قويىلىم ٴوزىنىڭ تۇپكى سارىنىن ساقتاپ قالدى. قويىلىمنىڭ باستى ەرەكشىلىگى مەن جەتىستىگى – قويىلىمدا ونەر كورسەتەتىن تالانتتى ۆوكاليستەر، اكتەرلەر، اكروباتتار مەن بيشىلەر ەلىمىزدىڭ بارلىق ايماعىنان ىرىكتەلىپ، قاتاڭ كاستينگتەن وتكەن وتاندىق ونەرپازدار بولىپ تابىلادى. بۇل قويىلىمعا جەتەكشىلىك ەتەتىن ميۋزيكل اۆتورلارى ر.كوچچانتە مەن ل.پلاموندون، سونداي-اق فرانسۋزدىق پروديۋسەرلەر مەن رەجيسسەرلەر قازاقستاندىق ارتىستەردىڭ جۇمىسىنا جوعارى باعا بەرىپ وتىر.

قۇرمەتتى استانالىقتار مەن قالا قوناقتارى، وسى جىلدىڭ ەڭ اۋقىمدى مادەني جوباسىن تاماشالاۋ مۇمكىندىگىن جىبەرىپ الماڭىزدار. بيلەتتەردى قالانىڭ بارلىق كاسسالارىندا جانە ticketon.kz سايتىنان ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي