BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەم تانىعان استانادا الەمگە تانىمال فوتوگرافتاردىڭ كورمەسى وتەدى

قازاقستان رەسپۋبليكاسى مادەنيەت جانە سپورت مينيسترلىگى استانانىڭ 20 جىلدىق مەرەيتويىنا وراي، ەلوردادا ەكىنشى مارتە «photofest.kz» حالىقارالىق فوتوفەستيۆالىن ۇيىمداستىرىپ وتىر. وعان شەتەلدىك جانە وتاندىق 17 كاسىبي فوتوگراف قاتىسادى، دەپ حابارلايدى baq.kz اقپارات اگەنتتىگى.

"بيىل ەلىمىزدە ەكىنشى رەت ۇيىمداستىرىلىپ وتىرعان فەستيۆالگە قىتاي، جاپونيا، فرانسيا، يتاليا، گەرمانيا، انگليا، رەسەي، ارمەنيا سىندى ەلدەردەن كەلەتىن كاسىبي فوتوگرافتاردىڭ بارلىعى – الەمگە تانىمال فوتوسۋرەتتەردىڭ اۆتورلارى. ولاردىڭ اراسىندا ارمەنيا پرەزيدەنتىنىڭ جەكە فوتوگرافى داۆيد اكوپيان بار. ول قازاقستان پرەزيدەنتى نۇرسۇلتان نازاربايەۆتىڭ ەرەكشە سۋرەتىن ٴتۇسىرىپ، الەۋمەتتىك جەلىدە بىردەن تانىمال بولدى. سۋرەتتى ٴتۇسىرۋدىڭ ەرەكشە ادىستەرىمەن ٴوز برەندتەرىن قالىپتاستىرىپ ۇلگەرگەن ماسكەۋلىك ۆالەرا جانە ناتاليا چەركاشيندەر دە دارالاۋعا تۇرارلىق. سونداي-اق، يتاليادان فيليپپو ۆەنتۋري، فرانسيادان فيليپپ شانسەل، قىرعىزستاندىق ەركين بووجۋروۆ، جاپونيالىق ياسۋxيرو وگاۆا، ۆەنگريالىق اتتيلو بالي، ۋفادان ەلەنا بولدىرەۆا، يزرايلدەن ەرەز ماروم، قازاقستاندىق شۇكىر شاxاي، باكۋدەن سيتارا يبراگيموۆا، جانە وزگە دە فوتوگرافتار اتسالىسادى" - دەيدى ۇيىمداستىرۋشىلار.

بۇل جولى الەمگە ايگىلى فوتوگرافتاردىڭ وبەكتيۆىنە – قازاقستاننىڭ ەلورداسى – استانا ىلىكپەك. بيىلعى شارانىڭ ەرەكشەلىگى – 20 فوتوگراف، ناقتى 20 باعىت بويىنشا جۇمىس ىستەيدى. ياعني، 5-8 شىلدە ارالىعىندا شاھاردىڭ الەۋمەتتىك-ەكونوميكالىق، مادەني-رۋحاني كەلبەتىن كەسكىندەپ، دۇنيەجۇزىنە پاش ەتەتىن بولادى.

شىلدەنىڭ 10-ى كۇنى «photofest.kz» حالىقارالىق فوتوفەستيۆالى قورىتىندىلانادى. تۇسىرىلگەن فوتوكوللەكسيا «بايتەرەك» مونۋمەنتىنىڭ الدىندا شىلدەنىڭ 10-ى مەن 30-ى ارالىعىندا «استانا الەم فوتوگرافتارىنىڭ وبەكتيۆىندە» فوتوكورمەسىندە كورەرمەنگە ۇسىنىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي