BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقجۋسان يمانعازىقىزى: «استانا ارقاۋ» فەستيۆالى باۋىرلاس حالىقتاردىڭ مادەنيەت ايدىنىنا اينالدى

30-عا جۋىق ۇلتتىق مۋزىكا ورىنداۋشى استانانى 20 جىلدىعىمەن قۇتتىقتاۋ ٴۇشىن ٴحى «استانا ارقاۋ» ٴداستۇرلى تۇركى حالىقتار مۋزىكاسى فەستيۆالىنە قاتىستى، دەپ حابارلايدى baq.kz اقپارات اگەنتتىگى.

جىل سايىن وتكىزىلەتىن فەستيۆالگە اۋتەنتيكالىق مۋزىكانى ۇزدىك ورىنداۋشىلار جينالادى، ونىڭ ىشىندە كىشى جانە جويىلىپ بارا جاتقان تۇركى حالىقتارىنىڭ وكىلدەرى بار. وسىلايشا تۇركى مۋزىكالىق مادەنيەتىنىڭ باي مۇراسىن ساقتاۋ مەن كوبەيتۋگە ۇلەس قوسادى.

ەكى كۇن بويى «استانا وپەرا» تەاترىنىڭ كامەرالىق زالىندا ارتيستەر باقسى اندەرىن، كەڭىردەكپەن ايتىلاتىن اندەردى ورىندايدى، دومبىرا، حومۋس جانە ت.ب. ۇلتتىق اسپاپتاردا وينايدى. بيىل فەستيۆالگە قازاقستاندىق ورىنداۋشىلاردان باسقا، وزبەكستان، قىرعىزستان، تۇركيا، ازەربايجان، تاتارستان، يران، ۋكراينا، قاراقالپاقستان ەلدەرىنىڭ مۋزىكانتتارى قاتىسادى.

فەستيۆالدىڭ اشىلۋى بارىسىندا تەاتر فويەسىندە كۇندەلىكتى ومىردە كەزدەسە بەرمەيتىن مۋزىكالىق اسپاپتاردىڭ ٴۇنى ەستىلىپ تۇردى. ۇلتتىق كيىمدەر كيگەن ارتيستەر ساحناعا شىعار الدىندا ٴوز شىعارماشىلىعى مەن ٴوز ەلدەرىنىڭ مۋزىكالىق مادەنيەتى تۋرالى ايتىپ جاتتى.

شاراعا بەلگىلى دومبىراشى، كومپوزيتور-كۇيشى ٴشامىل ابىلتايەۆ تا قاتىستى. ونىڭ شىعارماشىلىعى دومبىرا مۋزىكاسىن ورىنداۋشىلاردىڭ بىرنەشە بۋىنىنىڭ اراسىنداعى كوپىر ىسپەتتى. بيىل كۇيشى ٴوزىنىڭ 70 جىلدىعىن تويلادى مەرەيتويىنىڭ قۇرمەتىنە ساحنادا اقساقالعا ەلوردانىڭ اتىنان سىي رەتىندە شاپان جابىلدى.

قازاق ۇلتتىق ونەر ۋنيۆەرسيتەتىنىڭ وقىتۋشىسى اقجۋسان يمانعازىقىزى «استانا ارقاۋ» فەستيۆالىنىڭ تۇراقتى قاتىسۋشىسى. ول شارانىڭ اشىلۋىندا بايجىگىتتىڭ كۇيىن ورىندادى.

«مەن «استانا ارقاۋ» فەستيۆالى الاڭىندا جىل سايىن ونەر كورسەتەمىن. مۇندا تۇركى حالىقتارى مۋزىكاسىنىڭ ۇزدىك ورىنداۋشىلارى جينالادى. تەك كورەرمەندەر عانا ەمەس، ٴبىز – ورىنداۋشىلار دا باۋىرلاس حالىقتاردىڭ مازمۇنى جاعىنان باي، وزىندىك مۋزىكاسىن تىڭداۋ مۇمكىندىگىنە يە بولامىز. ٴبىز تاجىريبە الماسىپ، جاڭالىقتاردى ەستيمىز، وسىلايشا، مۋزىكالىق مادەنيەتىمىزدى ارتتىرامىز»، – دەيدى دومبىراشى.

حومۋستا وينايتىن يۆانيدا بۋگۋلوۆا استاناعا ساحا رەسپۋبليكاسىنان (ياكۋتيا) كەلگەن، ول وزىمەن بىرگە ٴانسامبلىن الا كەلمەگەنىنە وكىنەدى.

«مەن استاناعا ٴبىرىنشى رەت كەلىپ تۇرمىن، وسىنداي بىرەگەي فەستيۆالگە قاتىساتىنىما قۋانىشتىمىن، ونىڭ وتەتىنى تۋرالى قۇربىمنان ٴبىلدىم. ول «استانا اركاۋ» فەستيۆالىنە بىرنەشە رەت قاتىسقان. مەن حومۋستا جانە كۇپسىردە وينايمىن – بۇل بارابان جانە حالىق ٴانىن ايتامىن. جالپى، ٴبىزدىڭ ٴانسامبلىمىز بار، بۇل جولى جالعىز كەلگەنىم وكىنىشتى. كەلەسى جولى انسامبلمەن تولىق قۇرامدا كەلەمىز دەپ ويلايمىن»، – دەيدى ياكۋتيالىق قوناق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي