BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەلىكتەر رەسپۋبليكالىق ايتىستى تىك تۇرىپ تاماشالادى

اقتوبەدە «ناركەسكەن تىلمەن جىر ەتەم، ماڭگىلىك ەلدىڭ مۇراتىن» اتتى رەسپۋبليكالىق اقىندار ايتىسى ٴوتىپ جاتىر. ايتىسقا رينات زايىتوۆ، مۇحتار نيازوۆ، اينۇر تۇرسىنبايەۆا، ايبەك قاليەۆ سەكىلدى بەلگىلى ايتىسكەر اقىندارمەن قاتار، اقتوبەلىك جاستار دا قاتىستى، دەپ حابارلايدى baq.kz ٴتىلشىسى.

اقتوبە قالاسىندا «ناركەسكەن تىلمەن جىر ەتەم، ماڭگىلىك ەلدىڭ مۇراتىن» اتتى رەسپۋبليكالىق اقىندار ايتىسى باستالدى. ايتىسقا رينات زايىتوۆ، مۇحتار نيازوۆ، اينۇر تۇرسىنبايەۆا، ايبەك قاليەۆ سەكىلدى بەلگىلى اقىندار قاتىسادى دەگەندى ەستىگەن قاريالار نەمەرەلەرىن جەتەكتەپ كەلگەن. جوعارى وقۋ ورنىنىڭ ستۋدەنتتەرى دە جىر دوداسىن تاماشالاۋعا اسىقتى. سەبەبى، 16 اقىننىڭ باسىن قوسقان ايتىس اقتوبەلىكتەر ٴۇشىن كوپتەن كۇتكەن دودا ەدى. جىر جارىسىن «نۇر وتان» پارتياسى مەن اقتوبە وبلىسى اكىمدىگىنىڭ قولداۋىمەن وبلىستىق تىلدەردى دامىتۋ باسقارماسى ۇيىمداستىردى.

«بيىل قازاق حالقىنىڭ ٴححى عاسىرداعى ەڭ باستى وقيعاسى – تاۋەلسىزدىكتىڭ 25 جىلدىعى. تالاي اتا-بابالارىمىز، بيلەرىمىز، بايلارىمىز، كوسەمدەرىمىز، حاندارىمىز، شەشەندەرىمىز، حالقىمىز ارمان ەتكەن تاۋەلسىزدىك قولىمىزعا ٴتيىپ، باسىمىزعا باق بوپ قوندى. مەرەكە قۇتتى بولسىن! سوناۋ كەڭەس يمپەرياسى كەزىندە تاۋەلسىزدىكتى دايىنداۋعا ۇلەس قوسقان، قازاقتىڭ ساناسىن وياتىپ، رۋحىن كوتەرگەن جەلتوقسان وقيعاسىنان كەيىن اقىندار ايتىسى دا ەگەمەن ەلىمىزگە قىزمەت ەتىپ كەلەدى. بيىل جىل سوڭىنا قاراي اپتا سايىن رەسپۋبليكانىڭ ٴار وڭىرىندە ۇلكەن-ۇلكەن اقىندار ايتىسى ٴوتىپ جاتىر. سونىڭ ٴبىرى اقتوبەدەگى ايتىس»،- دەدى قر ەڭبەك سىڭىرگەن قايراتكەرى، اقىن، جۋرناليست ٴجۇرسىن ەرمان.

اقىندار ايتىسىن تاماشالاۋعا سوعىس ارداگەرلەرى، قوعام قايراتكەرلەرى، زەينەتكەرلەر ارنايى شاقىرىلعان. سونىمەن قاتار، «نۇر وتان» پارتياسىنىڭ حاتشىسى قانىبەك جۇماشەۆ قاتىستى.

ايتا كەتەيىك، اقىندار تاۋەلسىز قازاقستاننىڭ دامۋى مەن ەل ىشىندەگى يگى ىستەردى، قوعامداعى بەرەكە-بىرلىك پەن دوستىقتى جىرعا قوستى. سونىمەن قاتار، ٴتىل، ٴدىن، ۇلت ماسەلەسى قوزعالدى. اقىندار «اقتوبە» فۋتبول كلۋبىنداعى قارجى ماسەلەسى مەن فۋتبولشىلاردىڭ جايىن ايتىپ، جۇمىس بارىسىندا اۋدان اكىمىنىڭ جارىعىن سوندىرۋگە تاپسىرما بەرگەن وبلىس اكىمى بەردىبەك ساپاربايەۆتى قولداپ، ەسەسىنە اقىنداردىڭ شىراعىن جاققانىن جەتكىزدى.

ايتىستىڭ جالپى جۇلدە قورى – 7،8 ميلليون تەڭگە. باس جۇلدەگە 3 ميلليون تەڭگە. ايتىسقا قر حالىق ٴارتىسى ٴاسانالى ٴاشىموۆ، حالىق اقىنى ٴاسيا بەركەنوۆا، قر حالىق ٴارتىسى، انشى-كومپوزيتور التىنبەك قورازبايەۆ، اقىن قونىسباي ٴابىلوۆ، ل.گۋميلەۆ اتىنداعى ەۇۋ، جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى ن.وماشەۆ قازىلىق ەتتى.

التىناي ساعىندىقوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي