BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايبەك قاليەۆكە "ايتىستىڭ اقتاڭگەرى" اتاعى بەرىلدى

الماتىدا ايتىس اقىندارى مەن جىرشى، تەرمەشىلەردىڭ حالىقارالىق وداعىنىڭ ۇيىمداستىرۋىمەن ەكى كۇنگە جالعاسقان جىلدىڭ قورىتىندى ايتىسىندا تانىمال ايتىسكەر ايبەك قاليەۆ باس جۇلدەنى جەڭىپ الدى. سونىمەن قاتار ول "ايتىستىڭ اقتاڭگەرى" اتاندى، دەپ حابارلايدى baq.kz اقپارات اگەنتتىگى.

تاۋەلسىزدىكتىڭ التىن بەسىگى – الماتى شاھارىندا وتكەن «تاۋەلسىزدىككە تارتۋ» اتتى رەسپۋبليكالىق اقىندار ايتىسىنا ەلىمىزدىڭ ٴار وڭىرىندە جىل بويى وتكەن ايتىستاردىڭ جەڭىمپازدارى، الاشتىڭ اقيقاتىن ايتىپ، ٴتول ونەرىمىزدىڭ مارتەبەسىن اسقاقتاتىپ جۇرگەن ازۋلى، ارقالى اقىندار قاتىسىپ، جىلدىڭ قورىتىندى ايتىسىن جاسادى.

ەلىمىزدەگى كىل جۇيرىكتەر قاتىسقان ٴدۇبىرلى دودادا اقىنداردىڭ كورەرمەنگە ۇسىنارى مول بولدى.

جىر سايىسىنا ايبەك قاليەۆ، رينات زايىتوۆ، اسپانبەك شۇعاتايەۆ، ەركەبۇلان قاينازار، جانسايا مۋسينا، ماقسات احانوۆ، اسەم ەرەجە، مەيىربەك سۇلتانحان، رۇستەم قايىرتاي، شالقارباي ٴىزباساروۆ، مۇحتار نيازوۆ، يرانعايىپ كۇزەمبايەۆ، سەرىكزات دۇيسەنعازى، ديدار قاميەۆ، قاليجان بىلداشەۆ، حازىرەت بەردىحان، ەرشات قايبولدين، مارات احمەتوۆ سياقتى جىلدىڭ ەڭ ۇزدىك اقىندارى قاتىستى.

ايتىستى قر ەڭبەك سىڭىرگەن قايراتكەرى، ايتىس اقىندارى مەن جىرشى، تەرمەشىلەردىڭ حالىقارالىق وداعىنىڭ باسقارما ٴتوراعاسى ٴجۇرسىن ەرمان جۇرگىزدى.

سونىمەن ٴاسانالى ٴاشىموۆ، نۇرتورە ٴجۇسىپ، سەرىك قاليەۆ، باۋىرجان قاليوللا، داۋلەتكەرەي كاپ ۇلى قاتارلى قازىلار القاسىنىڭ شەشىمىمەن:

باس جۇلدە ايبەك قاليەۆكە بۇيىردى. بايگەگە تىگىلگەن 5 ملن تەڭگەنى قانجىعالاعان ساڭلاق اقىنعا ايتىس اقىندارى مەن جىرشى، تەرمەشىلەردىڭ حالىقارالىق وداعى "ايتىس اقتاڭگەرى" اتاعىن بەردى.
1-ورىن - جانساي مۋسيناعا بەرىلدى (1 ملن تەڭگە)
2-ورىن (ەكەۋ) - ەركەبۇلان قاينازار مەن مەيىربەك سۇلتانحان (500 مىڭنان)
3-ورىن (ۇشەۋ) - ەرشات قايبولدين، تىلەگەن ٴəدىلوۆ، حاليجان ٴبىلدəش.

ونىڭ سىرتىندا، "تاسكرەديت" كومپانياسىنىڭ ستەپەندياسى (1 ملن 800 مىڭ) اسەم ەرەجەقىزىنا بەرىلسە، رۇستەم قايىرتاي ۇلىنا "ٴاسانالى ٴاشىموۆ" قورىنىڭ ارنايى جۇلدەسى (300 مىڭ تەڭگە)، اسپانبەك شۇعاتايەۆقا تورەعالي تورەالىنىڭ ارنايى جۇلدەسى (300 مىڭ تەڭگە) بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي