BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

16 جاستاعى قازاقستاندىق اربادا وتىرىپ بيلەۋدەن ازيا چەمپيوناتىندا التىن  يەلەندى

قوستاناي قالاسىنىڭ تۇرعىنى ماليكا مۇقتاروۆا تايۆاندا اربادا وتىرىپ بي بيلەۋدەن وتكەن ازيا چەمپيوناتىندا التىن جۇلدە يەلەندى. بۇل تۋرالى tengrinews.kz تىلشىسىنە قىزدىڭ اپكەسى سامال اسانوۆا ايتىپ بەردى.

16 جاستاعى ماليكا woman single كاتەگورياسىنداعى جارىستاردا ونەر كورسەتەدى ەكەن.

«بۇگىن مەن تۇنگى ساعات ەكىدە اپكەمدى تايۆاننان كۇتىپ الامىن. ول تايۆاندا اربادا وتىرىپ بي بيلەۋدەن التىن جۇلدەگە يە بولدى. ونىڭ جاسى 16-دا جانە ول بىزبەن، ياعني ەرەسەكتەرمەن سالىستىرعاندا كۇش-جىگەرى مىڭ ەسە كوپ»،- دەپ جازعان ەدى اسانوۆا وسىعان دەيىن instagram جەلىسىندەگى پاراقشاسىندا.

جەڭىمپاز قىزدىڭ اپكەسىنىڭ ايتۋىنشا، قوستانايداعى مۇگەدەكتەرگە ارنالعان ۇيىمدا ماليكا شامامەن 3-4 جىلداي ونەر كورسەتىپ ٴجۇر. سونىمەن قاتار، اسانوۆا ماليكانىڭ ٴبىرىنشى توپتاعى مۇگەدەك ەكەنىن ايتىپ ٴوتتى. ول دۇنيەگە كەلگەننەن بەرى ارباعا تاڭىلعان ەكەن.

«ماليكا بارلىق جارىسقا انامىزبەن بىرگە بارادى. ٴبىراق بۇل جولى ساپاردىڭ باعاسى قىمبات بولعاندىقتان، سپورت كوميتەتىندەگىلەر جولدىڭ اقشاسىن ماليكا مەن ونىڭ باپكەرىنە عانا تولەدى»،- دەيدى قىزدىڭ اپكەسى. اناسى جولدىڭ اقشاسىن تولەي الماعان، سەبەبى وتباسىندا سەرەبرالدى سال اۋرۋىمەن اۋىراتىن 10 جاستاعى تاعى ٴبىر مۇگەدەك قىز بار ەكەن.

ايتا كەتەيىك، مۇقتاروۆا قىركۇيەك ايىندا سانكت-پەتەربۋرگتە وتكەن كۋبوكتا قولا جۇلدەنى يەلەنگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي