جوعالعانىنا 15 كۇننەن اسقان ورالدىق ٴۇش بالانىڭ اناسى ٴالى ىزدەستىرىلۋدە - وقيعا|30 قىركۇيەك 2018، 14:08
كۋرسى ۆاليۋت وبنوۆليايۋتسيا
استانا:

جوعالعانىنا 15 كۇننەن اسقان ورالدىق ٴۇش بالانىڭ اناسى ٴالى ىزدەستىرىلۋدە

يرالي كامىشوۆانىڭ جوعالعانىنا 16 كۇن بولدى. الايدا ٴۇش بالانىڭ اناسىنان ٴالى دەرەك جوق، دەپ حابارلايدى baq.kz اقپارات اگەنتتىگى.

جوعالعان ايەلدىڭ كۇيەۋىنىڭ ايتۋىنا قاراعاندا ونى ىزدەۋگە جەرگىلىكتى پوليسەيلەر، جاقىن تۋىستارى مەن دوستارى اتسالىسىپ جاتىر.

"ٴىىد اتتى پوليسەيلەردى دە ىسكە قوستى. ونى تابۋ ٴۇشىن ٴار كۇن تاڭەرتەڭ ىزدەۋگە اتتانامىز. الايدا ەشقانداي دەرەك جوق. مەن ٴتىپتى نە ويلاۋدى دا بىلمەيمىن. 16 كۇن ٴوتتى. ۇمىتسىزدىك پەن شاراسىزدىقتان، باعىتسىزدىقتان وتكەن قاسىرەت جوق ەكەن. قالاداعى بارلىق دۇكەندى ارالاپ شىقتىم، كوشەدە جولىققانداردىڭ بارلىعىنان سۇرايمىن. ەشكىم كورمەگەن، ەشكىم ەشقانداي مالىمەت بىلمەيدى" - دەيدى ٴيراليدىڭ كۇيەۋى دميتريي.

ونىڭ ايتۋىنا قاراعاندا، ول كۇن سايىن قالا كوشەلەرىنەن ايەلىن ىزدەۋگە شىعادى. جانە بارلىق جەرگە جوعالعان ايەل تۋرالى اقپاراتتى تاراتۋمەن ٴجۇر.

ەستەرىڭىزدە بولسا 13 قىركۇيەك كۇنى ورالدا ٴۇش بالانىڭ اناسى، 38 جاستاعى ايەل ادامنىڭ جوعالىپ كەتكەنى حابارلانعان بولاتىن. ايەلدى سوڭعى رەت سەلەكسيوننىي اۋماعىنداعى "تريو" ازىق-تۇلىك دۇكەنىنىڭ ساتۋشىسى كورگەن. ايەلدىڭ ۇستىندە ٴتۇرلىتۇستى فۋتبولكاسى، قوڭىر دجەنسي شالبارى، اياعىندا كروسسوۆكيى بولعان. يرالي كامىشوۆانى ۇيدە كۇيەۋى جانە ٴۇش بالاسى كۇتىپ وتىر. بالالارىنىڭ كىشىسى 8 جاستا.

تۋىس تۋعاندارى كىمدە-كىم سۋرەتتەگى ايەلدى كورىپ-بىلگەن بولسا، حابارلاسۋىن وتىنەدى. 87057610488 دميتريي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي