استانا، baq.kz ٴتىلشىسى. بۇل تۋرالى قر ٴىىم توتەنشە جاعداي كوميتەتى ٴورت قاۋىپسىزدىگى سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ باسشىسى جاسۇلان اقتايەۆ مالىمدەدى.
5540
0 
استانا: 
2268 
0
استانا، baq.kz ٴتىلشىسى. بۇل تۋرالى قر ٴىىم توتەنشە جاعداي كوميتەتى ٴورت قاۋىپسىزدىگى سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ باسشىسى جاسۇلان اقتايەۆ مالىمدەدى.
«جىل باسىنان بەرى قازاقستان اۋماعىندا 12 733 ٴورت بولدى. بۇل 2017 جىلدىڭ وسىنداي كەزەڭىندەگى كورسەتكىشتەن 5 پايىزعا تومەن. ورتتەن 350 ادام قازا تاۋىپ، 341 ادام جاراقات الدى. جىل سايىنعى ستاتيستيكادان قىس ماۋسىمىندا ٴورت سانى مەن ورتتەن قازا تاباتىندار سانى كوبەيتىنىن بايقاۋعا بولادى. بۇل – وتىننىڭ ٴار تۇرىندە جىلىتۋ قۇرالدارىن قولدانۋعا، ەلەكتر جەلىلەرى مەن تاعى باسقا جۇكتەمەنىڭ جوعارىلاۋىنا بايلانىستى»، - دەدى اقتايەۆ.
ول ٴورت ٴقاۋپى جاڭا جىلدىق مەرەكە كۇندەرى شيەلەنىسە تۇسەتىنىن اتاپ ٴوتتى.
«ٴىرى ساۋدا ورىندارى مەن ويىن-ساۋىق ورتالىقتارىندا ٴورت بولۋ ٴقاۋپىن الدىن العىمىز كەلەدى. مەرەكە كۇندەرى ساۋدا وبەكتىلەرىنە كەلۋشىلەر سانى كوبەيەتىنىن اتاپ وتكەن ٴجون جانە بالالاردىڭ قاتىسۋىمەن ويىن-ساۋىق ٴىس-شارالارى كوپتەپ ۇيىمداستىرىلادى. مەرەكەلىك بەزەندىرۋگە جانعىش ماتەريالدار، ەلەكتر گيرلياندالارى مەن يلليۋميناسيالار قولدانىلادى. مەرەكەلىك شىرشالار ورناتىلىپ، ولاردىڭ جانۋ قارقىندىلىعى بارلىق رۇقسات ەتىلگەن ماندەردەن اسادى. كاسىپكەرلەر ماۋسىمدىق پايدا تابۋ ٴۇشىن ساۋدا قويمالارىن ٴارتۇرلى تاۋارلارمەن تولتىرادى. بۇل ٴورت قاۋىپسىزدىگىن بۇزۋ بولىپ سانالادى جانە ٴورتتىڭ شىعۋ ٴقاۋپىن جوعارىلاتادى»، - دەپ اتاپ ٴوتتى ول.
ونىڭ ايتۋىنشا، كەشەگى اپتادا ەلدەگى ساۋدا نىساندارىندا 6 ٴورت بولعان. الماتى قالاسى، الماتى وبلىسى، جامبىل وبلىسى، شقو بازارلارى ورتەنگەن. اقتايەۆ قوعامنىڭ رەزونانسىن تۋدىرعان 25 قاراشادا تاراز قالاسىندا بولعان ٴورتتىڭ «اۋىل-بەرەكە» بازارىنا ەشقانداي قاتىسى جوق ەكەنىن ايتا كەتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
