BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەلدەتكىش، يوگاعا ارنالعان كىلەمشە، سپورتتىق تاعام مەن ٴيىسسۋ. ەرمەگيايەۆتىڭ تۇرمەدەگى بولمەسىنەن نە تابىلدى

فوتو: tengrinews.kz

استانا، baq.kz ٴتىلشىسى. بۇگىن «استانا «ەكسپو-2017» كومپانياسىنىڭ بۇرىنعى باسقارما ٴتوراعاسى تالعات ەرمەگيايەۆكە تۇرمەدە جاقسى جاعداي جاساعان تۇزەۋ مەكەمەسىنىڭ باستىعى مەن ورىنباسارىنا قاتىستى ۇكىم شىقتى. ۇكىممەن تانىستىرعان استانا قالاسى №2 بايقوڭىر اۋداندىق سوتىنىڭ سۋدياسى ايجان كۇلبايەۆا ەرمەگيايەۆتىڭ بولمەلەرىن ٴتىنتۋ بارىسىندا تابىلعان زاتتاردى اتاپ بەردى.

سۋديانىڭ ايتۋىنشا، 2017 جىلعى جەلتوقساندا كولونيانىڭ وندىرىستىك زوناسىنداعى ٴتىنتۋ جۇمىستارى بارىسىندا تالعات ەرمەگيايەۆكە تيەسىلى بولمەلەردەن ايعاقتار تابىلىپ، وعان ەرەكشە جاعداي جاسالعانى انىقتالعان.

«بولمەلەرىنەن شىلىم، كۇلسالعىش، wi-fi-روۋتەر، وتباسىلىق فوتوسۋرەتتەر، فلەش-كارتا، ىدىس-اياق، اسحانا بالتاسى مەن پىشاعى، مەتالل شامپۋرلار، كيىم-كەشەك، توسەك جابدىعى، سۇلگى، سپورتتىق روليكتەر مەن گانتەلدەر، سپورتتىق قۇرىلعىلار، انتيپەرسپيرانت، dvd، «مونوپوليا» ويىنى، دومينو، تەلەديدار، قىسقا تولقىندى پەش، تەرموپود، شىرىن سىققىش، مۋلتيۆاركا، تابا، ۇتىك، ەلەكترلى ۆافەل قالىبى، ەلەكتر پليتاسى، ۇرلەمەلى ماتراس، يوگاعا ارنالعان كىلەمشە، قازان، مونشا سىپىرتقىسى، ش ۇلىقتار، كوزىلدىرىكتەر، 19 جۇپ اياق-كيىم، 4 جۇپ ۇيگە كيەتىن اياق كيىم، شپريس، دارى-دارمەك، سپورتتىق تاعام، جينالاتىن توسەك، قىسقى باس كيىمدەر، شولاق شالبار، مۇشەقاپتار، بەلبەۋ، جەكە تازالىق زاتتارى، امپۋلالار، ٴيىسسۋ تابىلعان. سونداي-اق، وندىرىستىك زونادان ەرمەگيايەۆ پايدالانعان زاتتار: ەلەكتر پليتاسى، جەلدەتكىش، قىسقا تولقىندى پەش، ەلەكتر شاينەك، ەكى كامەرالى توڭازىتقىش، كىر جۋعىش ماشينا، سۋ جىلىتقىش جانە تاعى باسقا تۇرمىستىق زاتتار تابىلعان»، - دەدى سۋديا ايجان كۇلبايەۆا.

2016 جىلدىڭ ماۋسىم ايىندا «استانا «ەكسپو-2017» كومپانياسىنىڭ بۇرىنعى باسقارما ٴتوراعاسى تالعات ەرمەگيايەۆ پارا العانى جانە بيۋدجەت قاراجاتىن جىمقىرعانى ٴۇشىن 14 جىلعا باس بوستاندىعىنان ايىرىلعان بولاتىن. 2017 جىلدىڭ سوڭىندا تالعات ەرمەگيايەۆكە جازاسىن وتەپ جاتقان تۇرمەدە جاقسى جاعداي جاساپ بەرگەنى ٴۇشىن ەس-166/10 تۇزەۋ مەكەمەسىنىڭ باستىعى ن.س.əبەن مەن ورىنباسارى ت.و.مۇسايەۆ ۇستالعان ەدى. ولار تالعات ەرمەگيايەۆكە الكوگولدى ىشىمدىك ىشۋگە، ۇيالى تەلەفون مەن ينتەرنەتتى ەركىن قولدانۋعا رۇقسات بەرىپ، شەكتەۋسىز كەزدەسۋدى زاڭسىز ۇيىمداستىرىپ وتىرعان. وسى شۋدان كەيىن استاناداعى ەس-166/10 قاتاڭ رەجيمدى تۇزەۋ مەكەمەسى قونىس كولونياسى بولىپ وزگەرتىلىپ، سوتتالعاندار باسقا تۇرمەلەرگە اۋىستىرىلعان بولاتىن. ال تالعات ەرمەگيايەۆ الماتى وبلىسى زارەچنىي اۋىلىنداعى قاتاڭ تارتىپتەگى كولونياعا اۋدارىلدى، ٴقازىر ول سول مەكەمەدە جازاسىن وتەپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي