جاننا بوتادان ٴجابىر كورگەندەر ونىڭ قىلمىستىق جاۋاپقا تارتىلۋىن تالاپ ەتۋدە - وقيعا|25 قىركۇيەك 2018، 15:23
كۋرسى ۆاليۋت وبنوۆليايۋتسيا
استانا:

جاننا بوتادان ٴجابىر كورگەندەر ونىڭ قىلمىستىق جاۋاپقا تارتىلۋىن تالاپ ەتۋدە

فوتو: Автор

فەيسبۋكتە جاننا بوتا رەتىندە تانىمال جانار احمەتوۆادان الدانعان جابىرلەنۋشىلەر، ونى قازاقستانعا اكەلۋىن تالاپ ەتۋدە، دەپ حابارلايدى baq.kz ٴتىلشىسى.

2007 جىلى رايحان ايتبايەۆا "فەيسبۋك" الەۋمەتتىك جەلىسىندە جاننا بوتا رەتىندە تانىمال جانار احمەتوۆاعا 20 مىڭ اقش دوللارىن بەرەدى، قارىز الۋشى اقشانى 1.5 ايدا قايتارىپ بەرۋگە مىندەت ەتكەن.

2008 جىلى 15 اقپان كۇنى الماتى قالاسىنىڭ مەدەۋ اۋداندىق سوتى ر. ايتبايدىڭ قۋىنىمى بويىنشا ازاماتتىق ٴىستى قاراپ، ج. احمەتوۆادان ەكى ميلليون ٴتورت ٴجۇز جيىرما مىڭ تەڭگە سوماسىنداعى قارىزدى ٴوندىرتۋ تۋرالى شەشىم شىعارادى. الايدا سوت شەشىمى ٴالى ورىندالماعان.

"مەن جانار احمەتوۆاعا 2017 جىلى 20 مىڭ دوللار قارىزعا بەردىم. ول 1، 5 ايدا قايتارام دەپ، قولحات جازىپ بەردى. ونىڭ دۇرىس ادام ەكەنىنە سەندىم. ون جىلدان بەرى سوت شەشىمى ورىندالماي كەلەدى. ٴقازىر ول ٴوزىن ساياسي قۇربان رەتىندە كورسەتىپ، ۋكراينادان ساياسي باسپانا سۇراۋدا. الەۋمەتتىك جەلىگە تىركەلگەلى بەرى ٴوزىن پاتريوت، قوعام بەلسەندىسى ەتىپ كورسەتكىسى كەلەدى. ونىڭ الاياقتىق ارەكەتىنەن 15 ادام زارداپ شەگىپ وتىر، سونىڭ ٴبىرى ونىڭ ٴسىڭىلىسى دينارا احمەتوۆا. ٴقازىر ونى وسدپ پارتياسى مەن ادام قۇقىقتارى بيۋروسى قولداپ وتىر"،-دەيدى جابىرلەنۋشى رايحان ايتباي.

تاعى ٴبىر جابىرلەنۋشى سۆەتلانا پاشايەۆا ونىمەن 2012 جىلى تانىسقانىن جانە ول ٴوزىن بانك قىزمەتكەرى رەتىندە تانىستىرعانىن ايتادى.

"ول نەسيەلەۋدى تومەن پايىزبەن قايتا قارجىلاندىرىپ بەرۋگە ۋادە ەتىپ جانە شارۋا قوجالىعىن ساتىپ الۋعا كومەك كورسەتەمىن دەپ 20 مىڭ دوللار الدى. الايدا ۋادەسىن ورىنداماستان جوعالىپ كەتتى. ٴبىزدىڭ مۇڭىمىزدى ٴبارى ەستىسە ەكەن، اسىرەسە ونى قورعاپ جۇرگەن زاڭگەر ەۆگەنيي جوۆتيس"، -دەيدى ول.

سونداي-اق ۋكراينالىق جۋرناليست ولگا كۋرنوۆا دا ونىڭ الاياقتىق ارەكەتىنە شاعىمدانۋدا.

"ول كىسىمەن مامىر ايىندا تانىستىم. ٴوزىن ساياساتكەر، قازاقستانداعى دەموكراتيا جولىنداعى كۇرەسكەر رەتىندە تانىستىردى. تىپتەن، ونىڭ سوتىنا دا قاتىستىم، كيەۆ وعان ساياسي-قۋعىن مارتەبەسىن بەرمەدى. ول مەنى 5 مىڭ دوللارعا دەيىنگى شىعىنعا باتىردى. ەگەر ادام وپوزيسيالىق جولدا جۇرسە ەلدىڭ زاڭىن ساقتاۋى كەرەك" - دەيدى جابىرلەنۋشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي