BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭاقورعان اۋدانىندا ولگەن مال يەسىنە وتەماقى تولەنەدى

فوتو: интернеттен

استانا، baq.kz. ولگەن مالدارعا ۆەتەريناريالىق زەرتحانا «لەپتوسپيروز» اۋرۋىنا قورىتىندى بەرگەن جاعدايدا بيۋدجەت ەسەبىنەن وتەماقى تولەنەتىن بولادى. بۇل تۋرالى وبلىستىق ٴماسليحات سەسسياسىندا اكىم قىرىمبەك كوشەربايەۆ مالىمدەدى.

10 قاراشا كۇنى جاڭاقورعان اۋدانى بايكەنجە اۋىلدىق وكرۋگىنىڭ شالقيا اۋىلىندا ۇساق مال (قوي) قىرىلۋ دەرەگى تىركەلگەن. مال يەسى احمەت راحيموۆتىڭ ايتۋىنشا، شىعىن - 116 باس قوي. الايدا، اۋرۋ وشاعىن زەرتتەۋ بارىسىندا وبلىستىق كوميسسيا 40 باس قويدىڭ ولگەنىن ناقتىلادى.

"اۋداندىق ۆەتەريناريالىق زەرتحاناسىنا «لەپتوسپيروز» اۋرۋىنا جانە ازىقتان ۋلانۋعا كۇماندى دەپ، پاتولوگيالىق ماتەريال وتكىزىلگەن. ەگەر دياگنوز راستالسا، مال يەسىنە بيۋدجەتتەن وتەماقى تولەنەدى"، - دەدى ايماق باسشىسى.

ٴقازىر جاعداي تۇراقتى. مال تۇرعان قورالارعا زالالسىزداندىرۋ جۇمىستارى جۇرگىزىلىپ، ٴتيىستى ۆەتەريناريالىق شارالار اتقارىلىپ، قاتاڭ باقىلاۋعا الىنعان. ولەكسەلەر ورتەلىپ، ارنايى مال قورىمىندا كومىلدى، ماماندار زەرتتەۋ جۇمىستارىن جالعاستىرۋدا. حابارلاما تۇسە سالىسىمەن، اۋرۋ مال وقشاۋلانىپ، سارىسۋ جانە انتيبيوتيكتەرمەن ەمدىك شارالار جۇرگىزىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي