BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىلدا قىدىرىمپاز بالالاردىڭ اتا-انالارى جاۋاپكەرشىلىككە تارتىلدى

فوتو: ашық дереккөзден

تاراز، baq.kz ٴتىلشىسى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى ٴىىد يۋۆەنالدى پوليسيا بولىمشەسىنىڭ باسشىسى پوليسيا پولكوۆنيگى قۋانىشبەك قالجانوۆ مالىمدەدى.

«وبلىستىق ىشكى ىستەر دەپارتامەنتىنىڭ جەدەل مالىمەتى بويىنشا 2018 جىلدىڭ 9 ايىندا كامەلەتكە تولماعان جاسوسپىرىمدەر تاراپىنان 104 قىلمىستىڭ تەرگەۋ جۇمىستارى اياقتالىپ، بۇل 2017 جىلدىڭ سايكەس كەزەڭىمەن سالىستىرعاندا 20 قىلمىستىق ىسكە ازايعان. بۇل قىلمىستار دەنەگە جاراقات سالۋ، ۇرلىق، الاياقتىق، توناۋ، قاراقشىلىق، بوپسالاۋشىلىق سەكىلدى باسقا دا قىلمىستار مەن قۇقىق بۇزۋشىلىق جاساۋ فاكتىسى رەتىندە تىركەلگەن»، - دەدى ٴىىد وكىلى.

پوليسيا پولكوۆنيگى بەرگەن اقپاراتقا سايكەس، تاراز قالاسىندا مەكتەپ وقۋشىلارى جانە كوللەدج ستۋدەنتتەرى جاساعان قىلمىس سانى دا تومەندەگەن.

«2018 جىلدىڭ 9 ايىنىڭ قورىتىندىسى بويىنشا كامەلەتكە تولماعاندارعا قارسى جاسالعان قىلمىستار سانى 121-گە جەتىپ، سونىڭ ىشىندە زورلاۋ – 1، سەكسۋالدىق سيپاتتاعى كۇش كورسەتۋ – 5، 16 جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ – 23، جاس بالالاردى ازعىندىق جولعا ٴتۇسىرۋ – 6 قىلمىستى قۇرادى. تالداۋ كورسەتكەندەي 16 جاسقا تولماعان اداممەن جىنىستىق قاتىناس جاساۋ فاكتىسى 11-دەن 23-كە ٴوسىپ وتىر.

بريفينگ بارىسىندا بەلگىلى بولعانداي، مەكتەپ، كوللەدج اكىمشىلىكتەرىنىڭ ىقپالىمەن اتا-انالاردىڭ نەمەسە ولاردىڭ زاڭدى وكىلدەرىنىڭ كامەلەتكە تولماعان جاسوسپىرىمدەردى تاربيەلەۋ جونىندەگى مىندەتتەرىن ٴوز دەڭگەيىندە ورىنداماعانى ٴۇشىن 41 اتا-انا جاۋاپكەرشىلىككە تارتىلعان.

«سونىمەن قاتار، قر اقك 442-1-بابى (بالالارىنىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرگەنى ٴۇشىن) بويىنشا 130 اتا-انا جانە 442-2-باپ (بالالارىنىڭ تۇنگى ۋاقىتتا، ساعات 23.00 كەيىن تۇرعىن جايدان تىس جەرلەردە بولۋى) بويىنشا 3 688 اتا-انا اكىمشىلىك جاۋاپكەرشىلىككە تارتىلدى. سونداي-اق، كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرگەنى ٴۇشىن 80 قوعامدىق ورىننىڭ اكىمشىلەرىنە حاتتاما تولتىرىلىپ، جاۋاپكەرشىلىككە تارتىلعان»، - دەدى قالجانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي