تاراز، baq.kz ٴتىلشىسى. بۇل جونىندە وبلىستىق ٴورت سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ باسشىسى ماقسات اكىمبايەۆ مالىمدەدى.
استانا: 
2672 
0
تاراز، baq.kz ٴتىلشىسى. بۇل جونىندە وبلىستىق ٴورت سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ باسشىسى ماقسات اكىمبايەۆ مالىمدەدى.
«2018 جىلدىڭ 9 ايىندا وبلىستا 15 ۋلى گازبەن ۋلانۋ وقيعاسى تىركەلدى. سونىڭ سالدارىنان 20 ادام جاراقات الدى جانە 9 ادام قازا تاپتى. 2017 جىلدىڭ سايكەس كەزەڭىندە مۇنداي قايعىلى وقيعالار سانى 12 قۇراعان بولاتىن»، - دەدى ماقسات اكىمبايەۆ.
ول دەپارتامەنت وكىلدەرى تاراپىنان ۋلى گازبەن ۋلانۋ وقيعالارى تىركەلگەن بارلىق مەكەنجەي بويىنشا ٴتۇسىندىرۋ جۇمىستارى جۇرگىزىلگەنىن ايتتى.
«جۇرگىزىلىپ جاتقان پروفيلاكتيكالىق جۇمىستارعا قاراماستان، ۋلى گازبەن ۋلانۋ وقيعالارى 25%، جاراقات العانداردىڭ سانى 2 ەسەگە، قازا بولعان ادامدار سانى 3 ەسەگە ارتتى. جالپى، 2017-2018 جىلۋ ماۋسىمى كەزىندە بىتەلگەن تۇتىندىكتەر مەن پەش اقاۋلارىنا بايلانىستى وبلىستا 23 ۋلى گازبەن ۋلانۋ وقيعاسى تىركەلىپ، سونىڭ سالدارىنان 42 ادام جاراقات الدى جانە ولاردىڭ 9 قايتىس بولدى. 2016-2017 جىلۋ بەرۋ كەزەڭىمەن سالىستىرعاندا ۋلى گازبەن ۋلانۋ وقيعالارىنىڭ سانى 1%، زارداپ شەككەندەردىڭ سانى 13%، قازا بولعانداردىڭ سانى 25% تومەندەدى»، - دەدى باسقارما وكىلى.
بۇدان باسقا، تامىز ايىندا وڭىردەگى جىلۋ جانە ەلەكتر قۋاتىمەن قامتاماسىز ەتەتىن 87 نىساننىڭ بارلىعىنىڭ ٴورت جاعدايى تەكسەرىلگەن.
«تەكسەرۋ جۇمىستارىنىڭ قورىتىندىسى بويىنشا اعىمداعى جىلى 2 ۋچاسكەدە، اتاپ ايتساق، «جەس» جشس جانە «سولتۇستىك ججس» ٴورت قاۋىپسىزدىگى ەرەجەلەرىن بۇزۋ بايقالمادى. قالعان 85 ۋچاسكەدە 438 ەرەجە تالاپتارىنىڭ بۇزىلۋى انىقتالدى. ولاردى جويۋ ٴۇشىن نىسانداردىڭ باسشىلارىنا تەكسەرۋلەر ناتيجەلەرى بويىنشا اكتىلەر بەرىلىپ، 16 لاۋازىمدى جانە زاڭدى تۇلعا جالپى سوماسى 579 812 تەڭگە ايىپپۇل تۇرىندە اكىمشىلىك جاۋاپكەرشىلىككە تارتىلدى»، - دەپ مالىمدەدى اكىمبايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5468
0