1818 
0
تالدىقورعان، baq.kz. الماتى وبلىسىندا قاراعاندى تۇرعىنى زاڭسىز اۋلانعان ٴۇش توننا بالىقپەن ۇستالدى. بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى حابارلادى.
5471
0 
استانا: 
تالدىقورعان، baq.kz. الماتى وبلىسىندا قاراعاندى تۇرعىنى زاڭسىز اۋلانعان ٴۇش توننا بالىقپەن ۇستالدى. بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى حابارلادى.
«الماتى وبلىسىنىڭ ٴتارتىپ ساقشىلارى قاراعاندى وبلىسى تۇرعىنى تىزگىندەگەن «فورد» اۆتوكولىگىن تەكسەرۋ بارىسىندا ٴىرى كولەمدە بالىق تيەلگەنىن انىقتاعان. 3 توننادان استام بالىقتى قۇجاتسىز تاسىمالداعان ازامات مەملەكەتكە 10 ميلليون تەڭگە شىعىن كەلتىرگەن»،- دەلىنگەن حابارلامادا .
«گازەل» اۆتوكولىگى قۇيعان-توپار اۆتوجولى بويىندا توقتاتىلعان. كولىكتەگى 3 توننا 198 كگ بالىقتىڭ زاڭعا سايكەس ٴتيىستى تاسىمالداۋ قۇجاتتارى بولماعان.
«بۇل فاكتى بويىنشا قر قىلمىستىق كودەكسىنىڭ 335-بابى 4،5-تارماقتارى بويىنشا سوتقا دەيىنگى تەرگەۋ جۇمىستارى ٴجۇرىپ جاتىر»،- دەيدى الماتى وبلىستىق جپق تابيعات قورعاۋ پوليسياسىنىڭ ينسپەكتورى پوليسيا كاپيتانى باعلان رىمجانوۆ.
پوليسەيلەر تابيعات قورعاۋ ۆەدومستۆولارىمەن بىرلەسە وتىرىپ، وسىمدىكتەر مەن جانۋارلار دۇنيەسىنە زاڭسىز قول سۇقققانداردى انىقتاپ، بۇدان ٴارى زاڭ بۇزۋشىلىقتاردى بولدىرماۋ ماقساتىندا كەشەندى شارالار قابىلداۋدا.
سونىمەن قاتار، 17 قاراشا كۇنى كەشكە «رۋبەج» پوليسيا بەكەتىندە ٴتارتىپ ساقشىلارى نيسسان كولىگىنىڭ جۇكسالعىشىنان زاڭسىز اتىلعان 3 ەلىكتىڭ ەتىن تاپتى. جامبىل اۋدانىنىڭ تۇرعىنى تىزگىندەگەن اۆتوكولىكتى تەكسەرۋ بارىسىندا «سكس» ويىق اڭشى مىلتىعى مەن رۇقسات ەتۋ مەرزىمى ٴوتىپ كەتكەن اڭشى مىلتىعى تابىلدى. زاڭسىز اڭشىلىقپەن اينالىسقانى ٴۇشىن قر قىلمىستىق كودەكسىنىڭ 337-بابى بويىنشا سوتقا دەيىنگى تەرگەۋ امالدارى جۇرگىزىلۋدە. اتالعان فاكتى بويىنشا ٴتيىستى ساراپتامالار تاعايىندالدى،- دەپ اتاپ ٴوتتى وبلىستىق پوليسيا وكىلدەرى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
