BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيچ ينفەكسياسىن قاساقانا جۇقتىردى دەگەن كۇدىكتى قاماۋدا وتىر

فوتو: lovecats.pet

استانا، baq.kz ٴتىلشىسى. ۆيچ ينفەكسياسى بار ادام استانا قالاسى ٴجيتس-تىڭ الدىن الۋ جانە وعان قارسى كۇرەس ورتالىعى دارىگەرلەرىمەن اڭگىمەلەسكەننەن كەيىن، ەشكىمگە قاساقانا اۋرۋ جۇقتىرمايتىنى تۋرالى قۇجاتقا قول قويادى. شارت بۇزىلعان جاعدايدا ناۋقاس قىلمىستىق جاۋاپكەرشىلىككە تارتىلادى. بۇل تۋرالى استانا قالاسى ٴجيتس-تىڭ الدىن الۋ جانە وعان قارسى كۇرەس ورتالىعىنىڭ باس دارىگەرى ٴسابيت ابدرايموۆ ايتتى.

«بيىل ەشكىمگە قاساقانا ۆيچ ينفەكسياسىن جۇقتىرمايتىنى تۋرالى قول قويعان ادام شارتتى بۇزعانى انىقتالدى. ٴقازىر ول ٴۇش ادامعا قاساقانا جۇقتىردى دەگەن كۇدىكپەن ۋاقىتشا قاماۋ يزولتياتورىندا وتىر. ٴۇش اپتادان كەيىن سوت ۇكىمى شىعادى»، - دەيدى باس دارىگەر.

سونداي-اق، اتالعان ورتالىق استانا قالاسىنىڭ پوليسيا دەپارتامەنتىمەن تىعىز بايلانىستا، سەبەبى ۆيچ ينفەكسياسىن جۇقتىرعانداردى انىقتاعاننان كەيىن ولاردى ۇستاۋ قيىن. ولار ٴبىر قالادان ٴبىر قالاعا جانە قالانىڭ ىشىندە دە كوشىپ جۇرەدى.

«وكىنىشكە قاراي، ۆيچ جۇقتىرعان ادام كىنالى ادامدى سوتقا بەرىپ، سوڭىنا دەيىن بارمايدى. ولار تۋىستارىنان، دوستارىنان ۇيالىپ، ٴبارى تەرىس اينالادى دەپ قورقىپ، باسىندا قانداي جاعداي بولىپ جاتقانىن ەشكىمگە ايتپايدى. شىنىمەن دە، ونداي دەرتكە شالدىققان ادامدى وتباسىنان قۋىپ شىعاتىن جاعدايلار دا بولادى. بەس جىل بۇرىن ۆيچ ينفەكسياسىن جۇقتىرعان 65 جاستاعى ەر ادام دەرتى تۋرالى وتباسى مۇشەلەرىنە بيىل، جەتپىسكە كەلگەن كەزىندە ٴبىراق ايتقان»، - دەيدى ول.

بيىل ۆيچ ينفەكسياسىن جۇقتىرعان 16 انا ومىرگە دەنى ساۋ ٴسابي الىپ كەلدى

قازاقستاندا ۆيچ ينفەكسياسىن تەكسەرۋ ٴۇشىن ساراپتاما تەگىن جۇرگىزىلەدى جانە اتالعان دەرت تەگىن ەمدەلەدى. ٴتىپتى، وسى دەرتپەن بىرنەسە ٴسابيىن ومىرگە امان-ەسەن الىپ كەلگەن انالار بار.

«ۆيچ ينفەكسياسىن جۇقتىرعان ايەل جۇكتىلىك كەزەڭنىڭ ون ەكىنشى اپتاسىنان باستاپ ەمحاناعا تىركەلۋى كەرەك. جۇتىلىكتىڭ 28-30 اپتاسىندا ەكىنشى رەت تەست جاسايمىز. ودان كەيىن ەمدى جالعاستىرامىز. بوسانعان ساتتەن باستاپ نارەستەگە قاجەتتى دارى-دارمەكتەر بەرەمىز. ولاردى ەمىزۋگە بولمايدى، سەبەبى ٴقاۋىپتى ينفەكسيا انا ٴسۇتى ارقىلى تارالادى. بىلتىر ٴبىر ايەل بوسانعاننان كەيىن ەكى-ۇش اي وتكەن سوڭ ۆيچ ينفەكسياسىن جۇقتىرىپ، بالاسىن ەمىزگەن كەزدە سابيىنە دە جۇقتىرىپ العان. بيىل ونداي جاعداي تىركەلگەن جوق. وسى دياگنوزبەن ٴۇش بالادان ارتىق تاپقان ون ايەل بار. بيىلعى توعىز ايدىڭ كورسەتكىشى بويىنشا ۆيچ ينفەكسياسىن جۇقتىرعان 150 ادامنىڭ 9-ىنىڭ اياعى اۋىر. ال 2017 جىلى وسى دياگنوزبەن ٴجۇرىپ 16 ايەل بالا كوتەرىپ، بيىل بوساندى»، - دەيدى ول.

بۇعان دەيىن قازاقستانداعى ۆيچ ينفەكسياسى ەڭ كوپ تارالعان ايماقتار مەن جىنىستىق جولمەن ۆيچ ينفەكسياسىن جۇقتىرعانداردىڭ 12 پايىزى گوموسەكسۋاليستەر ەكەنىن جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي