BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بيۋرو əسكەري بيلەت ساتقان مايوردى ۇستادى

فوتو: tengrinews.kz

استانا، baq.kz ٴتىلشىسى. قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا وتكەن اپتادا تىركەلگەن قىلمىستىق ىستەرمەن تانىستىردى.

«بيىل 11 قازاندا سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ اقمولا وبلىسى بويىنشا دەپارتامەنتى ششۋچينسك قالاسىنىڭ بۋراباي اۋدانىندا قىزمەت ەتەتىن قورعانىس ىستەرى جونىندەگى بىرلەسكەن ٴبولىم باستىعىنىڭ ورىنباسارى، مايوردى پاراقورلىقتا اشكەرەلەدى. ول قالا تۇرعىنىنان اسكەرگە شاقىرۋدى كەيىنگە قالدىرۋ جانە اسكەري بيلەت بەرۋ ٴۇشىن 270 000 تەڭگە الدى دەپ كۇدىكتەلۋدە. سوتقا دەيىنگى تەرگەپ-تەكسەرۋ جالعاسۋدا»، - دەدى باستاروۆا اگەنتتىكتە وتكەن ٴباسپاسوز مəسليحاتىندا.

رەسمي وكىلدىڭ ايتۋىنشا، سونداي-اق، بيىلعى 12 قازاندا الماتى وبلىسى قاپشاعاي قالاسىندا ورنالاسقان قورعانىس مينيسترلىگىنە قاراستى №32363 اسكەري ٴبولىمىنىڭ كاپيتان شەنىندەگى شتاب باستىعى سىبايلاس جەمقورلىقپەن ۇستالدى.

«ول قىزمەتتە جالپى قامقورلىعىنا الۋ ٴۇشىن اسكەري قىزمەتشىلەردەن 170 000 تەڭگە كولەمىندە زاڭسىز سىياقى العان دەپ كۇدىكتەلۋدە. تەرگەپ-تەكسەرۋ جالعاسۋدا. كىناسىن تولىق مويىنداۋىنا بايلانىستى اسكەري قىزمەتشىلەرگە قاتىستى پروسەستىك ۇستاپ الۋ قولدانىلمادى»، - دەدى جاننا باستاروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي