استانا: 
1737 
0
استانا، baq.kz. وتكەن ٴتۇنى قورداي شەكارا وتريادىنىڭ «قورداي-اۆتو» وتكىزۋ بولىمشەسىندە شەكارادان ەسىرتكى الىپ وتپەك بولعان قىرعىزستاندىق ازامات ۇستالدى. بۇل تۋرالى قر ۇقك شق ٴباسپاسوز قىزمەتى حابارلادى.
"قورداي شەكارا وتريادىنىڭ «قورداي-اۆتو» وتكىزۋ بولىمشەسىندە وتكەن تۇندە (2018 ج.12.18، ساعات 21.15-تەر شاماسى) قىرعىزستاننان جاياۋ كەلە جاتقان 46 جاستاعى قازاقستاندىق، ٴتولقۇجاتىن تەكسەرىپ بولعاننان كەيىن ٴبىزدىڭ ەلدىڭ اۋماعىنا كىرە بەرە، الدا كۇتىپ تۇرعان شەكاراشىلاردىڭ كوزىن الا بەرىپ، وڭ جاق جان قالتاسىنان ەكى تۇيىنشەكتى ەپپەن سۋىرىپ، «راپيسكان» اپپاراتىنىڭ استىنا قاراي لاقتىرىپ جىبەردى. بۇل ارەكەتتى كوزى شالىپ قالعان شەكاراشىلاردىڭ ٴبىرى ەسىرتكى ۇستاۋعا ارنايى ۇيرەتىلگەن «سايعان» اتتى قىزمەتتىك يتپەن تۇيىنشەك يەسىن ادىم اتتاتپاي ۇستادى" - دەلىنگەن حابارلامادا.
شەكاراشىلاردى كورگەندە بۇل ازاماتتىڭ دەگبىرىن قاشىرعان، تۇيىنشەكتەردىڭ ىشىندەگى سالماعى 10 گراممعا جۋىق گاشيش ەسىرتكى زاتى بولىپ شىقتى. قۇقىق قورعاۋ ورگاندارى حابارلاندى. ٴارى قاراي بۇل ىسپەن سولار اينالىساتىن بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5528
0