BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تارازدا وليمپيادا چەمپيونىن توناپ كەتتى

فوتو: Фото: liter.kz

تارازدا پاراليمپيادا چەمپيونى زۋلفيا عابيدۋللينانىڭ ۇيىنە ۇرىلار تۇسكەن، دەپ حابارلايدى baq.kz اقپارات اگەنتتىگى ec-sport.kz-كە سىلتەمە جاساپ.

پورتالدىڭ حابارلاۋىنشا، پوليسيا 2016 جىلعى پاراليمپيادا جەڭىمپازىنىڭ ٴۇيىن توناعان كۇدىكتىنى ۇستادى.

عابيدۋللينا 29 ساۋىردە پوليسياعا شاعىمدانعان. كەلتىرىلگەن جالپى شىعىن 1 ملن 350 مىڭ تەڭگەنى قۇراعان. پاراليمپيادادان كەيىنگى جەڭىسى ٴۇشىن سالىپ بەرگەن ۇيىنەن اشەكەيلەر ۇرلانعان، ٴبىراق ۇرىلار پاراليمپيادا مەدالىن تابا الماعان.

«ۇرىلار قىزىمىز ەكەۋىمىز ۇيدە جوق كەزدە كىرگەن. بارلىق زاتتارىمىزدىڭ استان-كەستەڭىن شىعارعان. سوعان قاراعاندا ولار مەدالدى ىزدەگەن. كوز الدىمىزدا تۇراتىن اشەكەيلەردى الىپ كەتتى. بوتەن ادامداردىڭ ٴبىزدىڭ جەكە زاتتارىمىزدى قوپارعاندارى وكىنىشتى ارينە. ٴتىپتى ەسىمىزگە دە تۇسىرگىمىز كەلمەيدى. يتىمىزگە وبال بولدى. ۇرىلار كىرگەندە ونى ەلەكتر ەسەڭگىرەتكىشپەن ۇيىقتاتىپ تاستاعان سياقتى. سول وقيعادان كەيىن ۇزاق بوتەن ادامداردان قورقىپ ٴجۇردى»، - دەيدى پاراليمپيادا چەمپيونى.

جامبىل وبلىسى ٴىىد ٴباسپاسوز قىزمەتىنىڭ حابارلاۋىنشا، پوليسيا كۇدىكتىنى انىقتاپ، ونى وقو ايماعىندا ۇستادى. اتالعان وقيعاعا قاتىستى قىلمىستىق ٴىس قوزعالدى.

ەسكە سالا كەتەيىك، 51 جاستاعى زۋلفيا عابيدۋللينا – جۇزۋدەن حالىقارالىق دارەجەدەگى سپورت شەبەرى. ول 2016 جىلى وتكەن پاراليمپيادا ويىندارىنىڭ قازاقستان ٴۇشىن العاشقى التىن جۇلدەسىن جەڭىپ الدى. 100 مەتر قاشىقتىققا ەركىن جۇزۋدە جاڭا الەمدىك رەكورد جاساعان سپورتشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي