پەتروپاۆل، baq.kz ٴتىلشىسى. سولتۇستىك قازاقستان پوليسەيلەرى جۇمىس رەجيمىن كۇشەيتتى. سوڭعى تاۋلىكتە كۇننىڭ قاتتى اياز بولعانىنا قاراماستان، جولعا شىعىپ، دىتتەگەن جەرىنە جەتە الماعان 4 كولىكتىڭ جولاۋشىلارى قۇتقارىلدى.
استانا: 
2217 
0
پەتروپاۆل، baq.kz ٴتىلشىسى. سولتۇستىك قازاقستان پوليسەيلەرى جۇمىس رەجيمىن كۇشەيتتى. سوڭعى تاۋلىكتە كۇننىڭ قاتتى اياز بولعانىنا قاراماستان، جولعا شىعىپ، دىتتەگەن جەرىنە جەتە الماعان 4 كولىكتىڭ جولاۋشىلارى قۇتقارىلدى.
سولتۇستىك قازاقستان وبلىسى قىزىلجار اۋدانىنا قاراستى ارحانگەلسكوە اۋىلىنىڭ ماڭىنداعى وبلىستىق ماڭىزعى يە جولدا lada-x-ray ماركىلى اۆتوموبيل تابىلدى. قاتتى ايازدىڭ اسەرىنەن تەرەزەسىنە مۇز قاتىپ قالعان كولىكتىڭ جۇرگىزۋشىسى تۇندە جولدان شىعىپ كەتكەن. ونى ٴوز ۋچاسكەسىن تەكسەرىپ جۇرگەن پوليسيا لەيتەنانتى دەر كەزىندە تاۋىپ العان. قىراعىلىق تانىتقان ٴتارتىپ ساقشىسى 4 ادامدى ۇسۋدەن قۇتقارىپ قالدى. استانادان رەسەيدىڭ ەكاتەرينبۋرگ قالاسىنا بەت العان جاستار كوشە بيىنەن جارىسقا قاتىسۋ ماقساتىندا جولعا شىققان. ولاردىڭ بارلىعى جاقىن ماڭداعى اۋىلداعى جىلىتۋ بەكەتىنە جەتكىزىلىپ، تاماقتاندىرىلعان.
«جىلىتۋ بەكەتىندە تۇنەپ شىقتىق. مىناداي ايازدا ٴبىزدى پوليسەيلەر تاۋىپ الماسا، نە بولارىن ويلاۋدىڭ ٴوزى قيىن. پوليسيا لەيتەنانتى ەرلان باشەنوۆقا، كومەكتەسكەن جاندارعا العىسىم شەكسىز»، - دەيدى كولىك جۇرگىزۋشىسى جاندوس الشىنبايەۆ.
ٴۋاليحانوۆ اۋدانىندا دا وسىعان ۇقساس جاعداي تىركەلدى. كوكشەتاۋ-ومبى تاس جولىندا رەيد جۇرگىزۋ بارىسىندا جول جيەگىندە حيۋنداي اۆتوكولىگى تابىلعان. كولىك سالونىندا 4 ەرەسەك ادام مەن 2 ٴجاسوسپىرىم بولعان. سۋىقتىڭ اسەرىنەن ٴاۆتوموبيلدىڭ جانارمايى قاتىپ قالعان. جولاۋشىلارعا ٴتيىستى كومەك كورسەتىلىپ، قىزىلجارلىق ٴتارتىپ ساقشىلارى ولاردى رەسەي فەدەراسياسىنىڭ اۋماعىنا دەيىن شىعارىپ سالدى.
سوڭعى تاۋلىكتە جولدا قالعان 5 كولىك قۇتقارىلدى. سولتۇستىك قازاقستان وبلىسىندا كۇننىڭ قاتتى سۋىتۋىنا بايلانىستى بارلىق مەكتەپتەردە وقۋ توقتاتىلدى. ديزەلدىك وتىنمەن جۇرەتىن كولىك تۇرلەرىنە قالادان شىعۋعا تىيىم سالىنعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5516
0