شىعىستا ٴتۇز تاعىلارى مەن بالىق قىرىلىپ جاتىر

فوتو: ria.ru

استانا، baq.kz. التاي اۋدانىندا بۇلاننىڭ پارشالانعان سۇيەگى تابىلدى. بۇل تۋرالى altaynews.kz سايتى حابارلايدى.

پوليسيا قىزمەتكەرلەرى 16 قازاندا دورودنيسا اۋىلىنان 24 شاقىرىم قاشىق جەردەن ٴتۇز تاعىسىنىڭ قالدىعىن تاپقان. ىزدەۋ ناتيجەسىندە ونى اۋلاعان ادام 5 كۇن ىشىندە تابىلڭان.

ىشكى ىستەر دەپارتامەنتىنىڭ مالىمەتىنشە، كۇدىكتى جاڭا بۇقتىرما اۋىلىنىكى. ول ٴوزىنىڭ زاڭسىز ارەكەتىن موينىنا الىپتى. مىلتىعىن سۋعا اعىزىپ جىبەرگەندىگىن ايتقان. 59 جاسار كۇدىكتىنىڭ ۇستىنەن سوتقا دەيىنگى تەرگەۋ امالدارى باستالدى.

تاعىنىڭ ەتى ساراپتاماعا جىبەرىلدى.

تاعى ٴبىر زاڭ بۇزۋشى پوليسيا قارۋىلىنا كوكپەكتى جەرىندە ىلىككەن. 20 قازان كۇنى تۇنگى ساعات 1 شاماسىندا جول پوليسيالارى كوكپەكتى – ۆاسيلەۆ وتكەلى تاسجولىندا، جانسارى اۋىلىنىڭ تۇسىندا تويوتا سيۋرف كولىگىن توقتاتادى. 28 جاسار كولىك يەسى 582 كەلى بالىقتى ەشبىر قۇجاتسىز الىپ بارا جاتقان. شامامەن، بۇل 200 مىڭ تەڭگەنىڭ بالىعى بولسا كەرەك.

كۇدىكتىنىڭ ۇستىنەن سوتقا دەيىنگى تەرگەۋ امالدارى جۇرگىزىلىپ جاتىر.

دەپارتامەنتتىڭ ٴباسپاسوز حاتشىسىنىڭ سوزىنشە، مۇنىڭ بارلىعى «براكونەر» ٴىس-شاراسىنىڭ اياسىندا جۇرگىزىلىپ جاتىر. شارانىڭ العاشقى كەزەڭىنىڭ ناتيجەسىندە 154 زاڭ بۇزۋشىلىق ىس-ارەكەت انىقتالعان، ونىڭ ٴ82-سى اڭشىلىققا، 49-ى بالىق اۋلاۋعا قاتىستى.

پوليسيا قىزمەتكەرلەرى ٴىس-شارانىڭ كەلەسى كەزەڭىن قاراشادا جۇرگىزەمىز دەپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!