BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەتەلدىك ەڭبەك ميگرانتتارىنا «قامقورلىق جاساعان» لاۋازىمدى تۇلعالار ۇستالدى

فوتو: ашық дереккөзден

استانا، baq.kz ٴتىلشىسى. الماتىدا شەتەلدىك ەڭبەك ميگرانتتارىنا «قامقورلىق جاساعان» قىلمىستىق توپ ۇستالدى. ولاردىڭ اراسىندا پوليسيادا جۇمىس ىستەيتىن لاۋازىمدى تۇلعالار دا بار. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ۇلتتىق ٴىس-قيمىل اگەنتتىگىنىڭ رەسمي وكىلى جاننا باستاروۆا ٴمالىم ەتتى.

بريفينگتە رەسمي وكىل الماتى قالاسى جانە الماتى وبلىسى پوليسيا دەپارتامەنتتەرى، كوشى-قون قىزمەتى باسقارمالارىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋ جۇرگىزىلىپ جاتقانىن حابارلادى.

ونىڭ ايتۋىنشا، الماتى قالاسى پوليسيا دەپارتامەنتى كوشى-قون ٴبولىمىنىڭ قىزمەتكەرلەرى جاقىن شەتەلدەن كەلگەن ەڭبەك ميگرانتتارىن زاڭسىز تىركەپ كەلگەن. قىلمىستىق توپتىڭ قۇرامىندا 4 ازامات بولعان.

«جەدەل ىزدەستىرۋ شارالارىن جۇرگىزۋ بارىسىندا ەڭبەك ميگرانتتارىن تىركەۋ ٴۇشىن زاڭسىز قابىلدايتىن، جالعان قۇجاتتار جاسايتىن كەڭسە انىقتالدى. ٴتىنتۋ بارىسىندا 800-دەن استام شەتەل ازاماتتارىنىڭ پاسپورتتارى، جالعان مەديسينالىق انىقتامالاردىڭ «086» فورماسى، داكتيلوسكوپيادان وتكەندىگى جانە الماتى قالاسى ٴىىد كريميناليستيكالىق بولىمشەلەرىنىڭ ٴمور تاڭبالارى باسىلعان فوتوعا ٴتۇسىرۋ تۋرالى انىقتامالاردىڭ تازا بلانكتەرى، جالعان ەڭبەك كەلىسىم شارتتارى ت.ب. زاتتار تابىلىپ الىندى»، - دەدى جاننا باستاروۆا.

وسى ورايدا ول قاماۋدا وتىرعان زاڭسىز كوشى-قوندى ۇيىمداستىرۋشىعا جانە ونىڭ سەرىكتەستەرىنە زاڭسىز ەڭبەك رۇقساتىن بەردى، شەتەلدىكتەردى تىركەۋدىڭ 673 فاكتىسى بويىنشا ايىپتار تاعىلعانىن جەتكىزدى.

قازىرگى تاڭدا الماتى قالاسى اۋەزوۆ اۋداندىق سوتىنىڭ شەشىمىمەن بوستاندىق اۋداندىق ٴىىد كوشى-قون ٴبولىمىنىڭ باسشىسى مۇسانوۆ قر قىلمىستىق كودەكسىنىڭ 366-بابى 2-بولىگى بويىنشا «مەملەكەتتىك قىزمەتتە قىزمەت اتقارۋ قۇقىعىنان ٴومىر بويىنا، ٴارى پوليسيا مايورى اتاعىنان ايىرىلىپ، 4،7 ملن تەڭگە كولەمىندەگى ايىپپۇل سالىنعان.

ال قىلمىسقا قاتىسى بار شامسيەۆ ەسىمدى ازاماتقا قر قىلمىستىق كودەكسىنىڭ 368-بابىنىڭ 1-بولىگى بويىنشا 760 مىڭ تەڭگە كولەمىندەگى ايىپپۇل سالىندى.

«قالعان فيگۋرانتتارعا قاتىستى سوتقا دەيىنگى تەرگەۋ جالعاسۋدا. قىلمىستىق پروسەستىك كولدەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە دەرەكتەر تەرگەۋ مۇددەسى ٴۇشىن جاريا ەتىلمەيدى»، - دەدى جاننا باستاروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي