شەكاراشىنىڭ كوزى قىراعى، بەينەكامەرامەن ٴۇش ەسە...

فوتو: Kapital.kz

استانا، baq.kz. سارىاعاشتىق شەكاراشىلار وزبەكستاننان ٴبىزدىڭ ەلگە جاسىرىن وتپەكشى بولعان مەملەكەتتىك شەكارا بۇزۋشىنى ۇستادى. بۇل تۋرالى قر ۇقك شق ٴباسپاسوز قىزمەتى حابارلادى.

"كوزگە تۇرتسە كورگىسىز ٴتۇن قاراڭعىلىعىندا بۇتادان بۇتاعا جۇگىرىپ، جان-جاعىنا جالتاقتاي قاراپ، باسپالاپ كەلىپ تىكەنەك سىمدى قورشاۋدىڭ ۇستىنەن ورمەلەپ، ٴبىزدىڭ ەلدىڭ اۋماعىنا قاراي ٴوتىپ كەلە جاتقان شەكارا بۇزۋشىنى ەڭ ٴبىرىنشى بولىپ وڭتۇستىك شەكارانىڭ سارىاعاش شەكارا وتريادىنا قاراستى «قاپلانبەك» زاستاۆاسىنىڭ تۇندە كورەتىن قۇرالمەن جابدىقتالعان بەينەباقىلاۋ وپەراتورى بايقاعان" - دەلىنگەن حابارلامادا.

ول راديوستانسيا ارقىلى سول ماڭداعى شەكارا ناريادىنا حابار بەرگەن. شەكارا بۇزۋشىنىڭ باعىتى تۋرالى اقپاراتتى العان شەكارا ناريادىنىڭ باسشىسى بويلارىن تاسالاپ، «شاقىرىلماعان قوناقتى» قارسى الدىنان توسىپ الدى.

ۇستالعان ادام وزبەكستان ازاماتى بولىپ شىقتى. وزىمەن بىرگە ەشقانداي قۇجاتى جوق. قۇقىق قورعاۋ ورىندارى حابارلانىپ، ونىڭ كىم ەكەندىگىن انىقتاۋ جۇمىستارى جۇرگىزىلىپ جاتىر.

تەگي
• شەكارا
• وزبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!