BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىر تاۋلىكتە تاركىلەنگەن كونتراباندا

فوتو: ашық дереккөзден

استانا، baq.kz. كەشە كۇندىزگى ۋاقىتتا «قورعاس» شەكارالىق باقىلاۋ وتريادىنا قاراستى «قورعاس» شىحو شەكارالىق بولىمشەسىنىڭ باقىلاۋشىلارى قازاقستان رەسپۋبليكاسىنىڭ اۋماعىنان 76،5 كەلى تاستى (يانتارعا ۇقساc) ٴتيىستى قۇجاتىنسىز وتكىزبەكشى بولعان 26 جاستاعى وتانداسىمىزدى قۇرىقتادى. بۇل تۋرالى قر ۇقك شق ٴباسپاسوز قىزمەتى مالىمدەدى.

كونترابانداعا قاتىستى ٴتيىستى حاتتاما تولتىرىلىپ، «التىنكول» كەدەن پوستىنا تاپسىرىلدى.

سونداي-اق بەينەۋ شەكارا وتريادىنىڭ «تاجەن» (اۆتو) شەكارالىق باقىلاۋ بولىمشەسىنىڭ شەكاراشىلارى ەل شەبى ارقىلى جالپى قۇنى 35 مىڭ تەڭگەگە باعالانعان 32 ليتر سپيرتتىك ىشىمدىكتى وتكىزۋگە تالپىنعان ازاماتتىڭ جولىنا توسقاۋىل قويدى. وزبەكستان رەسپۋبليكاسىنىڭ 32 جاستاعى ازاماتىنان تاركىلەنگەن كونتراباندالىق تاۋارلار «تاجەن» كەدەن پوستىنا وتكىزىلدى.

سول كۇنى قوردايلىق شەكاراشىلار دا قىرعىز ازاماتىنىڭ جول سومكەسىن شەكارالىق باقىلاۋدان وتكىزۋ كەزىندە 6 000 قوراپ تەمەكى ٴونىمىن تاركىلەدى. ەلىمىزگە باعىت الىپ شىققان ايىر قالپاقتى ازامات وتكىزۋگە تالپىنعان تەمەكى ونىمدەرىنىڭ اكسيزدىك ماركاسى مەن ٴتيىستى قۇجاتتارى بولماعان.

كونتراباندالىق جۇككە ٴتيىستى اكت جاسالىپ، قورداي اۋداندىق مەملەكەتتىك كىرىستەر باسقارماسىنىڭ قىزمەتكەرلەرىنە تاپسىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي