BAQ.kz - Қазақстан жаңалықтары USD 376.73 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.75
استانا:

رەسەيدەگى ۇشاق اپاتىنان قازاق جىگىتى قازا تاپتى

الدىن الا مالىمەتكە سەيكەس، ماسكەۋ وبلىسىندا اپاتقا ۇشىراعان ان-148 ۇشاعىندا قازا تاپقانداردىڭ اراسىندا قازاقستاندىقتار جوق. بۇل تۋرالى قر ٴسىم ٴباسپاسوز قىزمەتىنىڭ جەتەكشىسى ٴانۋار جايناقوۆ ٴمالىم ەتتى، دەپ حابارلايدى baq.kz ٴتىلشىسى.

11 اقپان كۇنى ماسكەۋ وبلىسىنىڭ رامەنس اۋدانىندا ان-148 ۇشاعى اپاتقا ۇشىرادى. سالدارىنان ۇشاق بورتىندا ەكيپاج مۇشەلەرىمەن قوسقاندا 71 ادام قازا تاپتى. كەيىننەن انىقتالعانداي، جولاۋشىلاردىڭ ٴبارى وقيعا ورنىندا كوز جۇمعان.

ال ٴانۋار جايناقوۆتىڭ ايتۋىنشا، ۇشاق اپاتىنان قازا تاپقانداردىڭ اراسىندا قازاقستاندىقتار جوق.

«الدىن الا مالىمەتكە سايكەس، قازا تاپقانداردىڭ ىشىندە قازاقستاندىقتار جوق. قازىرگى تاڭدا رەسەيدەگى ديپلوماتتارىمىز ٴتيىستى جۇمىستاردى جۇرگىزۋدە. جاڭا دەرەكتەر بەلگىلى بولسا، سىزدەرگە حابارلايمىز»، - دەدى قر ٴسىم ٴباسپاسوز قىزمەتىنىڭ جەتەكشىسى.

الايدا، سوڭعى اقپاراتتارعا سايكەس، ورسك قالاسىندا تۇراتىن تەمىرلان اقنازاروۆ ەسىمدى قازاق جىگىتى ماسكەۋ تۇبىندە اپاتقا ۇشىراعان لاينەردىڭ بورتىندا بولعان. تەمىرلاننىڭ «ۆكونتاكتە» الەۋمەتتىك جەلىسىندەگى پاراقشاسىندا قولدانۋشىلار ورىس جانە قازاق تىلدەرىندە كوڭىل ايتۋدا.

ايتا كەتەيىك، اپاتقا ۇشىراعان اۋە كەمەسى «ساراتوۆ اۋەجەلىلەرى» كومپانياسىنا تيەسىلى. قازىرگى تاڭدا رەسەيدىڭ تەرگەۋ كوميتەتى اتالعان كومپانيا ۇستىنەن قىلمىستىق ٴىس قوزعادى. وقيعا ورنىندا تەكسەرۋ ٴجۇرىپ جاتىر، «قارا جاشىك» تە تابىلدى.

ەستەرىڭىزگە سالا كەتەيىك، جەكسەنبى، 11 اقپان كۇنى ماسكەۋدىڭ «دومودەدوۆو» اۋەجايىنان ورسك قالاسىنا باعىت العان ان-148 جولاۋشىلار ۇشاعى 10 مينۋتقا جەتپەي، راداردان جوعالىپ كەتكەن. سالدارىنان ۇشاق اپاتقا ۇشىراپ، 71 جولاۋشى قازا تاپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي