BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارداعى كولىك جۋۋ ورنىندا 43 جاستاعى ازاماتتى كاماز باسىپ كەتتى

فوتو: интернеттен

پاۆلودار، baq.kz ٴتىلشىسى. پاۆلودار قالاسىنىڭ ىرگەسىندە ورنالاسقان كولىك جۋۋ ورنىندا وقىس جاعداي بولدى. كاماز كولىگى 43 جاستاعى ەر ازاماتتى باسىپ كەتتى. سالدارىنان استانا تۇرعىنى وقيعا ورنىندا كوز جۇمدى.

كۋاگەرلەر قايعىلى جاعدايlان سوڭ جارتى ساعات وتكەننەن كەيىن عانا جەدەل جاردەم كومەگىن شاقىرعان.

«جەدەل مەديسينالىق كومەك ستانسياسىنا شاقىرۋ ساعات 16.20 مينۋتتا ٴتۇستى. «گرۋزوۆايا» اتتى اۆتوجۋۋ ورنىندا جۇك كولىگى ەر ادامدى باسىپ كەتتى. وقيعا ورنىنا جەتكەن دارىگەرلەر بيولوگيالىق ٴولىمدى تىركەدى. استانالىق ازامات كوپ جاراقات العان. سونىمەن قاتار، تۇرعىننىڭ باسى «ەزىلىپ» كەتكەن»، - دەپ حابارلادى وبلىستىق دەنساۋلىق ساقتاۋ باسقارماسىنىڭ ٴباسپاسوز قىزمەتى.

بۇل جاعدايدىڭ ورىن الۋىن پاۆلودار وبلىستىق ٴىىد-نىڭ ٴباسپاسوز قىزمەتى راستاپ، تۇسىنىك بەردى.

«استانا قالاسىنىڭ تۇرعىنى وبلىس ورتالىعىنداعى كىرەبەرىستەگى ۋسپەن كوپىرىنىڭ «سولتۇستىك ونەركاسىپتىك ايماق» مەكەنجايىندا ورنالاسقان كولىك جۋۋ ستانسياسىندا اۋىر جاراقاتتار العان. ول «howo» جۇك كولىگىن جوندەۋمەن اينالىسىپ جاتقاندا كوز جۇمدى. قازىرگى ۋاقىتتا بىرنەشە ساراپتاما تاعايىندالدى. تەكسەرىس جۇمىستارى دا قاتار جۇرگىزىلۋدە»، - دەيدى پوليسيا دەپارتامەنتى ٴباسپاسوز قىزمەتىنىڭ وكىلى الما مۇسابەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي