BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا توبەلەسىپ قالعان دارىگەرلەر سوتتا كەزدەستى

فوتو: ашық дереккөзден

پاۆلودار. baq.kz ٴتىلشىسى. وبلىستىق دەنساۋلىق ساقتاۋ باسقارماسىنىڭ عيماراتىندا توبەلەسىپ قالعان دارىگەرلەر سوتتا كەزدەستى. اق جەلەڭدىلەردىڭ ٴىسى مامانداندىرىلعان اكىمشىلىك سوتتا قارالدى.

سوت وتىرىسى بارىسىندا ناريمان شاحماردانوۆ تاتۋلاسۋعا نيەتتى ەكەنىن جەتكىزدى.

«كەزدەسۋ بارىسىندا ناريمان شاحماردانوۆ اكىمشىلىك حاتتاما پاۆلودار قالالىق №3 ەمحاناسىنىڭ باس دارىگەر مارلەن احمەتوۆكە قاتىستى تولتىرىلۋىن تالاپ ەتتى. ن. شاحماردانوۆتىڭ ايتۋىنشا، توبەلەستى م. احمەتوۆ باستاعان. بۇعان قاراماستان، شاحماردانوۆقا 10 اەك كولەمىندە ايىپپۇل سالىندى»، - دەپ حابارلادى اكىمشىلىك سوتتىڭ باس مامانى باقىت شوقپاروۆا.

ەسكە سالا كەتەيىك، ەكى دارىگەر اراسىنداعى جانجال ٴبىر اي بۇرىن بولدى. ناقتىراق ايتقاندا، وتىرىستان كەيىن ناريمان شاحماردانوۆ پەن مارلەن احمەتوۆ سوزگە كەلىپ، سوڭى توبەلەسكە ۇلاسقان. ناتيجەسىندە ولاردى اۋرۋحاناعا جەتكىزۋگە تۋرا كەلدى. مامانداردىڭ مالىمەتىنشە، ناريمان شاحماردانوۆتىڭ ماس بيى شايقالسا، مارلەن احمەتوۆتىڭ وڭ جاق قاباعى جاراقاتتانعان.

وبلىستىق دەنساۋلىق ساقتاۋ باسقارماسىنىڭ باسشىسى وراز مۇقاشەۆ حابارلاعانداي، ناريمان شاحماردانوۆ توبەلەستىڭ باستالۋىنا سەپ بولىپ، مەملەكەتتىك قىزمەتشى ەتيكا كودەكسىن بۇزعان. ال مارلەن احمەتوۆتى جوعارى دەڭگەيلى كاسىبي مامان جانە دارىگەرلىك ٴىس شەبەرى دەپ اتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي