BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا ەۋروپادان ينتەرنەت ارقىلى ەسىرتكى ساۋدالاعاندار قۇرىقتالدى

فوتو: dpchas.com.ua

استانا، baq.kz. پاۆلوداردا ەۋروپادان ينتەرنەت دۇكەنى ارقىلى ەسىرتكى تاسىدى دەگەن كۇدىكپەن ەكى ادام قاماۋعا الىندى. بۇل تۋرالى pavlodarnews.kz سايتى حابارلايدى.

«باسقارما قىزمەتكەرلەرى ەسىرتكى ساۋداسىمەن اينالىسقان دەگەن كۇدىكپەن توپتىڭ مۇشەلەرىن ۇستادى. ولار ەۋروپادان سينتەتيكالىق ەسىرتكىلەردى تاسىعان. ۇستالعاندار 20-30 جاس ارالىعىنداعى ەكى ازامات. ەسىرتكىنى كۇدىكتىلەر سايتتارعا جارناما بەرۋ ارقىلى ساتىپ وتىرعان. ٴتىنتۋ بارىسىندا 2 كەلىدەن استام، قۇنى 12 ميلليون تەڭگەگە جۋىقتايتىن lsd (ەسۋاستاندىرعىش زات)، ەكستازي، spice سياقتى 1500 ٴبىر رەتتىك مولشەردەگى سينتەتيكالىق ەسىرتكى تاركىلەندى، - دەيدى وبلىستىق پوليسيا دەپارتامەنتى ەسىرتكىگە قارسى كۇرەس باسقارماسىنىڭ باسشىسى، پوليسيا پودپولكوۆنيگى بالعاباي قاپاروۆ.

باسقارما باسشىسىنىڭ ايتۋىنشا، ەسىرتكىنى كۇدىكتىلەر ەۋروپادان پوشتا ارقىلى سالەمدەمە رەتىندە اكەلىپ وتىرعان.

«وسى توپپەن ٴبىر جىلدان استام ۋاقىت كۇرەس جۇرگىزىلدى. ارنايى شارالار اتقارىلىپ، تەكسەرىستىك ساتىپ الۋلار بولدى. ولاردىڭ وزدەرىنىڭ ينتەرنەت دۇكەندەرى بار. سول ارقىلى سايتتارعا جارناما بەرگەن»، - دەيدى بالعاباي قاپاروۆ.

قازىرگى كەزدە قر قك-نىڭ 297-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. اتالعان باپ بويىنشا 15-20 جىلعا دەيىن باس بوستاندىعىنان ايىرۋ سانكسياسى قاراستىرىلعان. كۇدىكتىلەر پاۆلودار قالاسى پوليسيا باسقارماسىنىڭ ۋاقىتشا ۇستاۋ يزولياتورىنا قاماۋعا الىندى.

جىل باسىنان بەرى وڭىردە ەسىرتكىگە قاتىستى 75 قىلمىس تىركەلىپ، 400 كەلىدەن استام ەسىرتكى تۇرلەرى تاركىلەندى. سونداي-اق، 30 ەسىرتكى ساۋدالاۋ نۇكتەسى انىقتالىپ، 32 ادام ۇستالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي