BAQ.kz - Қазақстан жаңалықтары USD 376.73 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.75
استانا:

پاۆلوداردا «دارىگەرلەردىڭ» كوشەدەگى ادامدى ۇرۋىنا قاتىستى وقيعا تەكسەرىلۋدە

پاۆلودار وبلىسىندا جۇرگىنشىنى سوققىعا جىققان «دارىگەرلەردىڭ» ٴىسى تەكسەرىلىپ جاتىر. بۇل تۋرالى دەنساۋلىق ساقتاۋ مينيسترلىگىنىڭ ٴباسپاسوز قىزمەتى ٴمالىم ەتتى، دەپ حابارلايدى baq.kz اقپارات اگەنتتىگى.

الەۋمەتتىك جەلىدە پاۆلودار وبلىسىندا جەدەل-جاردەم قىزمەتكەرلەرىنىڭ جۇرگىنشىنى ۇرىپ-سوققانى تۇسىرىلگەن ۆيدەو تاراعان بولاتىن.

«پاۆلودار قالاسىندا جەدەل مەديسينالىق كومەك كيىمىن كيگەندەردىڭ جۇرگىنشىنى سوققىعا جىققانى تۋرالى روليكتىڭ باق-تا جانە ينتەرنەت جەلىسىندە جاريالانۋىنا جانە تارالۋىنا بايلانىستى قىزمەتتىك تەكسەرىس جۇرگىزىلدى. ناتيجەسىندە، اتالعان وقيعاعا جەدەل مەديسينالىق كومەك ستانسياسىنىڭ ٴبىر دە ٴبىر قىزمەتكەرى قاتىسپاعاندىعى دالەلدەندى»، - دەپ جازىلعان ۆەدومستۆو حابارلاماسىندا.

وسى فاكتى gps-ترەكەرلەردىڭ كورسەتكىشتەرىمەن دالەلدەنگەن. وقيعا كەزىندە اتالعان اۋداندا جەدەل كومەك كولىكتەرى بولماعان.

«ۆيدەودا كورسەتىلگەن وقيعا قاتىسۋشىلارى مەديسينالىق ۇيىمدارعا مەديسينالىق قالدىقتاردى جيناۋ ٴۇشىن كەلگەن جەكە فيرما قىزمەتكەرلەرى بولىپ شىقتى»، - دەپ جازىلعان.

قازىرگى تاڭدا، بارلىق اقپاراتتار وقيعانىڭ ٴمان-جايىن ٴارى قاراي انىقتاۋ ٴۇشىن پاۆلودار قالاسىنىڭ ىىد-نە بەرىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي