BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا 17 جاستاعى جۇرگىزۋشى جول اپاتىنان كوز جۇمدى

فوتو: Liter.kz

استانا، baq.kz. ەرتىس اۋدانىندا جول-كولىك وقيعاسى بولىپ، پاۆلودار تەحنيكالىق كوللەدجىنىڭ 17 جاستاعى ستۋدەنتى كوز جۇمدى. بۇل تۋرالى pavlodarnews.kz سايتى حابارلايدى.

كۋاگەرلەردىڭ ايتۋلارىنشا، audi ماركالى كولىك رولىندە وتىرعان 17 جاستاعى بالا ٴرولدى باسقارا الماي قالىپ، وقيعا ورنىندا كوز جۇمدى.

«جول تايعاق بولدى. كولىك جۇرگىزۋشىسى باسقا كولىكتى باسىپ وزعىسى كەلدى، ٴبىراق كولىك مۇزدا تايعاناپ كەتتى. جانار-جاعارماي بەكەتىنىڭ قاسىنا قۇلاماس بۇرىن كولىك ٴۇش رەت اۋدارىلىپ، تاسجولدىڭ ەكىنشى جاعىنا ۇشىپ بارىپ قۇلادى. كولىك رولىندەگى ستۋدەنت تاڭەرتەڭ پاۆلودارعا وقۋعا كەتۋى كەرەك بولاتىن»، - دەيدى كۋاگەرلەر.

كوز جۇمعان ستۋدەنت ۇيدەگى ٴۇش بالانىڭ ۇلكەنى ەكەنى انىقتالدى. كولىك ىشىندە ونىڭ قاسىندا اناسى جانە ودان باسقا ٴتورت جولاۋشى بولعان. الدىن الا بولجام بويىنشا، ولاردىڭ ۇشەۋى ماساڭ كۇيدە بولعان. ەرتىس اۋداندىق ورتالىق اۋرۋحانانىڭ باس دارىگەرى ريزا قۇسايىنوۆا زارداپ شەككەن ٴۇش جولاۋشى قابىلداۋ بولىمىنە جەتكىزىلگەنىن ايتتى.

«ولاردىڭ بىرەۋى اۋرۋحاناعا جاتقىزىلدى. ول 2000 جىلى تۋعان ازامات. ال قالعان ٴۇش جولاۋشى، ولاردىڭ ىشىندە كوز جۇمعان ستۋدەنتتىڭ اناسى اۋرۋحاناعا جاتۋدان باس تارتتى»، - دەيدى اۋداندىق ورتالىق اۋرۋحانانىڭ باس دارىگەرى.

كولىك اپاتى تۋرالى وبلىستىق ىشكى ىستەر دەپارتامەنتى دە پىكىر ٴبىلدىردى.

«جول-كولىك وقيعاسىنىڭ سەبەپتەرى انىقتالۋدا. اتالعان فاكتى بويىنشا تەكسەرۋ جۇمىستارى جۇرگىزىلىپ، ٴتيىستى ساراپتامالار تاعايىندالدى»، - دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي