BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

مەكتەپتەگى جارىلعىش زات: جالعان اقپارات ايتقان ادام انىقتالۋدا

فوتو: RussianWeek.ca

استانا، baq.kz. استانادا №22 مەكتەپ ماڭى قورشالىپ، جيرەنتايەۆ كوشەسى مەن پەتروۆ كوشەسىنە دەيىنشى ارالىق جابىلدى. مەكتەپتە پوليسيا قىزمەتكەرلەرى جۇمىس ىستەپ جاتقان. كۋاگەرلەردىڭ ايتۋلارىنشا، مەكتەپ عيماراتىندا جارىلعىش زات قويىلعان. بۇل تۋرالى استانا ٴبىلىم بەرۋ باسقارماسى حابارلادى جانە baq.kz تىلشىسىنە راستادى.

استانا ٴبىلىم بەرۋ باسقارماسىنىڭ حابارلاۋىنشا، ٴبىرىنشى اۋىسىمدا وقيتىن 1698 وقۋشى، 82 ٴمۇعالىم مەن 37 تەحنيكالىق جۇمىسشىلار جەدەل تۇردە عيماراتتان شىعارىلدى.

اتا-انانالار مەكتەپتەن بالالارىن الىپ كەتكەن. اتا-اناسىن كۇتىپ تۇرعان بالالار مەكتەپ اۆتوبۋسىنا وتىرعىزىلدى. مەكتەپ ماڭىندا ٴوتر ٴسوندىرۋ بريگاداسى مەن جەدەل جاردەم قىزمەتكەرلەرى بولعان.

ساعات 10:28-دە مەكتەپ ىشىنە جارىلعىش زات قويىلماعانى انىقتالدى.

ٴبىلىم بەرۋ مەكەمەسىنىڭ اكىمشىلىگى عيماراتتا جارىلعىش زات قويىلعانى تۋرالى اقپارات تاڭەرتەڭ تۇسكەنىن حابارلادى.

«تاڭعى ساعات 08:00-دە مەكتەپتە جارىلعىش زات قويىلعانى حابارلادى. ونىڭ داۋىسى بالانىڭ نەمەسە ٴجاسوسپىرىمنىڭ داۋىسىنا ۇقسايدى. ٴبىز پوليسياعا حابارلادىق. جوعارى سىنىپ وقۋشىلارىن ۇيلەرىنە جىبەرىپ، تومەنگى سىنىپ وقۋشىلارىنىڭ اتا-انالارىنا حابارلاسىپ، الىپ كەتۋلەرىن سۇرادىق»، - دەيدى №22 مەكتەپ ديرەكتورى بوتاگوز ٴجۇنىسوۆا.

قازىرگى ۋاقىتتا جالعان اقپارات ايتقان كىم ەكەنى انىقتالىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي