استانا: 
استانا، baq.kz ٴتىلشىسى. قر سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا اتىراۋ وبلىستىق «قتج – جۇك تاسىمالى» اق فيليالىنىڭ ديرەكتورى سىبايلاس جەمقورلىق فاكتىسىمەن ۇستالعانىن مالىمدەدى.
ول كۆازيمەملەكەتتىك سەكتورداعى لاۋازىمدى تۇلعانىڭ قاتىسۋىمەن بولعان قىلمىستىق ٴىس تۋرالى باياندادى.
«سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ اتىراۋ وبلىسى بويىنشا دەپارتامەنتى «قتج – جۇك تاسىمالى» اق وبلىستىق فيليالىنىڭ ديرەكتورىنا قاتىستى سوتقا دەيىنگى تەرگەۋ جۇرگىزىپ جاتىر. ول جۇك ۆاگوندارىن جەدەل جانە كەدەرگىسىز بەرۋ ٴۇشىن كاسىپكەردەن 400 مىڭ تەڭگە پارا الدى دەگەن كۇدىككە ٴىلىندى. قر قىلمىستىق پروسەستىك كودەكسىنىڭ 128-بابىنا سايكەس تولىق كىنانى مويىنداۋىنا جانە مامىلە جاساۋ تۋرالى ٴوتىنىش بەرۋىنە بايلانىستى پروسەسۋالدىق ۇستاۋ قولدانىلعان جوق. سوتقا دەيىنگى تەرگەۋ جالعاسۋدا»، - دەدى جاننا باستاروۆا.
وسىعان دەيىن اقمولا وبلىسى تۋريزم باسقارماسىنىڭ باسشىسىنا، سونداي-اق ورتالىق ورگانداردىڭ اۋماقتىق جانە ۆەدومستۆولىق باعىنىشتى ۇيىمدارىنىڭ لاۋازىمدى تۇلعالارىنا قاتىستى تىركەلگەن قىلمىستىق ىستەر تۋرالى حابارلاعان بولاتىنبىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2175 
0
5542
0