BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايدا بەلگىسىز بىرەۋلەر اۋداندىق ٴىىب عيماراتىنا وق جاۋدىرعان

فوتو: autocentre.ua

قوستاناي وبلىسى، baq.kz ٴتىلشىسى. قوستاناي وبلىسىنا قاراستى مەڭدىقارا اۋدانىنىڭ ىشكى ىستەر ٴبولىمىنىڭ عيماراتىنا بەلگىسىز بىرەۋلەر ٴتۇن ورتاسىندا وق جاۋدىرعان. قازىرگى تاڭدا وقيعا ورنىندا وبلىستىق ٴىىد - دەن ارنايى بارعان تەرگەۋ توبى جۇمىس ىستەۋدە.

جەرگىلىكتى تۇرعىنداردىڭ ايتۋىنشا، اتالمىش وقيعا كەشە تۇندە بولعان.ٴتۇن ورتاسىندا ەشقانداي مەملەكەتتىك تىركەۋ نومەرى جوق قارا ٴتۇستى اۆتو كولىك ٴىىب عيماراتىنىڭ جانىنا كەلىپ توقتاپ، سۋىق قارۋدان وق اتىپ، كەيىن ٴىزىن سۋىتىپتى.

«اۋدان ورتالىعىندا كەشە كۇنى بويى وبلىس ورتالىعىنان كەلگەن ارنايى تەرگەۋ توبى جۇمىس ىستەدى. ٴتارتىپ ساقشىلارى كۇشەيتىلگەن جۇمىس تارتىبىندە كوشكەن. ولار اۋدانعا كىرىپ-شىقان بارلىق كولىكتەردى تەكسەرۋدە. وقيعا سالدارىنان ەشكىم زارداپ شەككەن جوق. الەۋمەتتىك نىساندار جۇمىس ىستەپ تۇر. ٴقازىر جەرگىلىكتى ۋچاسكەلىك پوليسيا ينسپەكتورلارى ٴۇي-ۇيدى ارالاپ، سۋىق قارۋى بارلاردى تەكسەرىپ ٴجۇر»، - دەيدى اتىن اتاماۋدى وتىنگەن جەرگىلىكتى تۇرعىن.

ٴبىز وسىناۋ سۋىت حاباردى العان بەتتە وبلىستىق ٴىىد حابارلاسقان بولاتىنبىز. وندان تومەندەگىدەي جاۋاپ الدىق.

«مەڭدىقارا اۋدانىندا ٴىىب عيماراتىنا وق جاۋدىرۋ وقيعاسى بولعانى راس. قازىرگى تاڭدا اتالمىش قىلمىسقا قاتىسى بار كۇدىكتىلەردى انىقتاۋ ٴۇشىن تەرگەۋ جۇمىستارى ٴجۇرىپ جاتىر. بۇل فاكت سدتبت تىركەلدى»، - دەيدى وبلىستىق ٴىىد ٴباسپاسوز حاتشىسى يرينا بەجەنار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي