BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستاناي وبلىسىنىڭ تۇرعىنى اراق ٴۇشىن جانتۇرشىگەرلىك قىلمىسقا باردى

استانا، baq.kz. دەنيسوۆ اۋدانى وكراينكا اۋىلىنىڭ 31 جاستاعى تۇرعىنى اراق ٴۇشىن ەگدە جاستاعى اۋىلداسىن پىشاقتاپ ٴولتىردى. بۇل تۋرالى kstnews.kz پورتالى حابارلايدى.

اۋىل تۇرعىندارى زەينەتكەردە اقشا بار ەكەنىن بىلگەن. ازامات ت. قىلمىس جاسالاتىن ٴتۇنى ماس بولعان. الايدا ول تاعى اراق ىشكىسى كەلگەن. ٴسويتىپ، ەگدە جاستاعى اۋىلداسىنىڭ ۇيىنە بارىپ، ودان اقشا سۇراعان. زەينەتكەر قارجى بەرۋگە ۇزىلدى-كەسىلدى قارسى بولعان. سول مەزەتتە ازامات ت. ورىندىقپەن ونىڭ باسىنان ۇرعان. كەيىن پىشاقپەن تاماعىن ٴتىلىپ جىبەرىپ، دەنەسىن جەرتولەگە تاستاي سالعان.

سودان سوڭ ول ۇيدەن اقشا ىزدەۋگە كىرىسكەن. ازامات ت. زەينەتكەردىڭ جاتىن بولمەسىنەن 26 مىڭ 620 تەڭگە مەن ۇيالى تەلەفون تاپقان. ٴتىپتى، كۇدىكتى اسحاناداعى 4 پاكەت كوفەنى دە وزىمەن بىرگە الىپ كەتكەن.

پوليسيا شۇعىل تۇردە قيمىلداپ، كۇدىكتىنى قىلمىس جاسالعان كۇنى قولعا تۇسىرگەن. ٴبىر كۇننەن سوڭ، وعان ايىپ تاعىلعان. ونىڭ ٴۇيىن ٴتىنتۋ بارىسىندا زەينەتكەردىڭ ۇيىنەن ۇرلانعان زاتتار مەن اقشا تابىلدى.

2017 جىلى كۇدىكتى بۇزاقىلىق جاساعان ٴۇشىن سوتتالىپ، ٴبىر جىلعا بوستاندىعىنان ايىرىلعان. ال 2018 جىلدىڭ مامىرىندا پروباسيا قىزمەتىنىڭ ۇسىنىم حاتىنىڭ نەگىزىندە شارتتى تۇردە بوستاندىققا شىققان.

دەنيسوۆ اۋداندىق سوتى ٴباسپاسوز قىزمەتىنىڭ مالىمەتىنە سايكەس، ازامات ت. سۋديانىڭ سانكسياسىمە 2 ايعا قاماۋعا الىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي