كولىكتى ماس كۇيىندە باسقارعان پوليسيا 3 جاسار قىزدىڭ ٴومىرىن قيدى - وقيعا|04 قازان 2018، 10:58
كۋرسى ۆاليۋت وبنوۆليايۋتسيا
استانا:

كولىكتى ماس كۇيىندە باسقارعان پوليسيا 3 جاسار قىزدىڭ ٴومىرىن قيدى

فوتو: ашық дереккөзден

استانا ىرگەسىندەگى قوسشى اۋىلىندا پوليسيا قىزمەتكەرى ماس كۇيىندە رولگە وتىرىپ، جول كولىك وقيعاسىنا سەبەپشى بولدى، دەپ حابارلايدى baq.kz اقپارات اگەنتتىگى ەۋرازيا ٴبىرىنشى ارناسىنا سىلتەمە جاساپ.

قاقتىعىس سالدارىنان ەكىنشى كولىكتىڭ ىشىندەگى 3 جاستاعى قىز بالا كوز جۇمعان. تەرگەۋ جۇمىستارى باستالعانىمەن، كۇدىكتى ٴقازىر تەرگەۋ يزولياتورىنا توعىتىلماعان. تەك ٴۇي قاماققا عانا الىنىپتى. بۇل جايت سابيىنەن ايىرىلعان انانى الاڭداتىپ وتىر. كۇدىكتى جازاسىن الماي، سىتىلىپ كەتە مە دەپ قاۋىپتەنەدى.

«جول كولىك وقيعاسىن كورگەندەر ٴتارتىپ بۇزعان كولىكتىڭ جىلدامدىعى 100 شاقىرىم ساعاتتان ارتىق بولدى دەيدى. ٴجۇرىسىن توقتاتپاعان كۇيى مەنىڭ بالالارىم مەن قايىن اتام وتىرعان كولىككە بارىپ سوعىلعان. رولدە وتىرعان پوليسيا قىزمەتكەرى الكوگولدى ىشىمدىك ىشكەنىن ساراپتاما راستادى»، - دەيدى قالا تۇرعىنى جانار كۇپەنوۆا.

قايعىلى وقيعانىڭ بولعانىنا ٴبىر ايدان استام ۋاقىت وتسە دە تەرگەۋدىڭ قارقىندى ٴجۇرىپ جاتقانى بايقالمايدى دەيدى زارداپ شەگۋشى. قوسىمشا ساراپتامالاردىڭ قاشان جاسالاتىنى تاعى بەلگىسىز. بۇدان بولەك، جانار ادام ولىمىنە قاتىسى بار كۇدىكتىنىڭ قاماۋعا الىنباعانىنا نارازى.

«قازىرگى ساتتە كىنالى ازاماتتىڭ ٴۇي قاماقتا وتىرعانىنا كوڭىلىم تولمايدى. اۋەل باستا ۋاقىتشا تەرگەۋ يزولياتورىنا قاماۋ تۋرالى شەشىم شىعارىلدى ەمەس پە؟ مەن جوعارعى سوتقا ارىز جازىپ جولدادىم. ماس كۇيىندە رولگە وتىرىپ، وعان قوسا ٴتارتىپ بۇزىپ سوڭى ادام ولىمىنە اپارعان قىلمىسقا قاتىسى بار ادام قالاي ۇيىندە وتىرادى؟»، - دەيدى جانار كۇپەنوۆا.

زاڭگەر جاندوس تۇياقوۆ اتالعان ٴىس قر قىلمىستىق كودەكسىنىڭ 345-بابى بويىنشا قاراستىرىلۋى كەرەك دەگەن پىكىردە. ال پوليسيا قىزمەتكەرىنىڭ ٴۇي قاماققا الىنۋى قالىپتاسقان تاجىريبەدەن تىس جاعدايعا سايادى دەيدى.

«ادام ماس كۇيىندە بولعاندىعى بۇل بىلايشا ايتقاندا قاساقانامەن پارا-پار دەپ سانايمىن. سوندىقتان مۇندا بۇلتارتپاۋ شاراسىنا كەلەر بولساق ارينە بۇل تاڭقالارلىق نارسە. ويتكەنى تاجىريبەدە كوپ جاعدايدا قاماۋدا ۇستايدى»، - دەيدى زاڭگەر جاندوس تۇياقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي